Os familiares do líder dos 'Miguelianos' pedirán 120.000 euros por acusación indebida

Os familiares do líder da Orden y Mandato de San Miguel Arcangel, que na causa coñecida coma dos 'Miguelianos' figuraron como acusados por senllos delitos de branqueo de capitais até a súa desimputación na primeira xornada do xuízo, presentarán unha demanda contra a Fiscalía e a acusación particular por acusarlles "indebidamente".

Así o anunciou este xoves o seu avogado, que tamén representa ao propio líder, Miguel Rosendo, quen manifestou que a esposa e os dous fillos de Rosendo van interpor unha demanda civil reclamando 120.000 euros cada un por ser acusados indebidamente durante o procedemento e ser "sometidos a un xuízo paralelo" durante máis de tres anos e medio.

"Ao Ministerio Fiscal por acusarlles no seu día, e á acusación, porque ten que ser responsable do que fixo", explicou, insistindo en que "ese escarnio público teñen que pagalo por vía de dereito de honra ou demanda civil, calquera vía é viable". Segundo indicou, este procedemento iniciarao unha vez que que termine o xuízo dos 'Miguelianos'.

Este mércores, na primeira xornada do xuízo, a Sección Cuarta da Audiencia de Pontevedra avanzou que ía "admitir a cuestión previa exposta relativa á súa falta de lexitimación para acusar por branqueo de capitais". Así, ao iniciarse a sesión deste xoves, o Tribunal chamou a estas tres persoas a abandonar a sala.