Polo menos catro feridos nun choque en cadea na A-8 en Abadín (Lugo)
Na Coruña, outras catro persoas resultaron feridas tras chocar dous turismos .
Por E.P. | LUGO | 29/10/2018 | Actualizada ás 11:48
Unha colisión en cadea rexistrada a última hora deste domingo no municipio lucense de Abadín saldouse con polo menos catro persoas feridas.
Segundo informou o Centro Integrado de Atención a Emerxencias 112-Galicia, o suceso ocorreu pasadas as 18,00 horas do domingo no quilómetro 550 da A-8, ao seu paso por Abadín.
Até a zona desprazáronse efectivos dos Bombeiros de Vilalba e da Garda Civil de Tráfico, así como persoal sanitario do 061, que atendeu aos feridos.
CATRO FERIDOS EN A CORUÑA
Por outra banda, na Coruña, outras catro persoas resultaron feridas tras chocar dous turismos que circulaban pola estrada que une Eirís e Os Castros, en dirección ao porto.
O CIAE 112 tivo constancia do accidente ás 20,30 horas e, a partir de aí, informou os Bombeiros da cidade e solicitou a colaboración de Policía Local e Protección Civil.
Do mesmo xeito, os servizos de emerxencias interviñeron nun accidente de tráfico rexistrado no municipio pontevedrés de Agolada, onde resultou ferido un home.
O suceso ocorreu pasada a medianoite no lugar de Ventosa, onde un vehículo se saíu da vía e chocou contra unha casa. O condutor ferido tivo que ser liberado polos Bombeiros, dado que quedara atrapado no turismo.
