Liberado un traballador que quedou atrapado por un brazo nunha máquina en Redondela

Por E.P. | PONTEVEDRA | 23/11/2018 | Actualizada ás 10:02

Comparte esta noticia

Os efectivos de emerxencias liberaron na madrugada deste venres a un operario que quedara atrapado por un brazo nunha máquina en Redondela (Pontevedra).

Entrando en Chapela
Entrando en Chapela | Fonte: Miguel Núñez

Foi o persoal da planta na que traballaba a vítima o que deu a voz de alarma, pedindo asistencia urxente para o home, que realizaba labores nunha empresa de limpeza situada na rúa José Fernández López, en Chapela, cando quedou atrapado por un brazo.

O 112-Galicia avisou entón ao persoal sanitario do 061 e aos Bombeiros de Vigo, que acudiron a liberar ao traballador. No operativo interviñeron tamén axentes da Policía Local e Nacional.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta