O vento alcanza os 158 quilómetros por hora en Carballeda de Valdeorras

A choiva deixou máis de 55 litros por metro cadrado en Rois.

Por Europa Press / Redacción | SANTIAGO DE COMPOSTELA | 18/12/2018 | Actualizada ás 17:35

Comparte esta noticia

O vento alcanzou este martes refachos de intensidade máxima de 158,3 quilómetros por hora no municipio de Carballeda de Valdeorras (Ourense) e a choiva deixou máis de 55 litros por metro cadrado en Rois (A Coruña).

Temporal Galicia, vento, choiva, mal tempo. Europa Press - Archivo
Temporal Galicia, vento, choiva, mal tempo. Europa Press - Archivo | Fonte: Europa Press

Así consta nos datos publicados por Meteogalicia, recollidos por Europa Press, até as 17,00 horas, cando xa se desactivaron os avisos por vento nas provincias de Pontevedra, A Coruña, A Mariña e centro de Lugo, así como na montaña ourensá e luguesa.

En localidades con altitude inferior aos 900 metros, rexistráronse durante a mañá 143,3 quilómetros por hora en Viveiro (Lugo), 136,7 en Cedeira (A Coruña), 134,9 quilómetros por hora en Vimianzo (A Coruña), mentres que en Cuntis (Pontevedra) alcanzáronse os 128,3 e os 119,6 en Abadín (Lugo).

Mentres, en zonas con altitude maior de 900 metros, o vento deixou refachos máximos de 158,3 quilómetros por hora en Carballeda de Valdeorras (Ourense) ás 13,10 horas, de 108,9 en Cervantes (Lugo) e de 105,7 na Veiga (Ourense).

CHOIVA

Pola súa banda, a choiva deixou, en zonas de menos de 900 metros de altitude, 55,2 litros por metro cadrado no municipio de Rois (A Coruña) até as 17,00 horas deste martes, 49,4 na localidade coruñesa de Lousame, 46,7 en Zas (A Coruña), 45,6 en Cotobade (Pontevedra) e 43,9 en Santa Comba (A Coruña).

En zonas altas, de máis de 900 metros de altitude, os rexistros de Meteogalicia até as 17,00 horas apuntan 30,9 litros por metro cadrado en Rodeiro (Pontevedra), 27,3 en Vilariño de Conso (Ourense), 26,2 en Muíños (Ourense) e 22,9 en Pedrafita do Cebreiro (Lugo).

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta