Por E.P. | LUGO | 09/01/2019 | Actualizada ás 13:38
A Deputación de Lugo mantén despregado o dispositivo de inverno nas estradas da rede provincial, nas que este mércores se circula "con normalidade", confirmou a institución.
Nun comunicado de prensa, a Deputación de Lugo explica que acondicionou a rede viaria provincial, "a máis extensa do Estado", que conta con 4.200 quilómetros, "para garantir a circulación con seguridade ao longo da provincia", abundou.
Durante estas xornadas, concretou a institución, ten despregados en máis de 35 concellos 64 operarios e 32 máquinas coas que atender "calquera tipo de incidencia que se poida producir". Son, na súa maioría, concretou a Deputación de Lugo, "relacionadas coa acumulación de xeo nas vías provinciais".
Na mañá deste mércores, detallou, "todas as estradas están abertas ao tráfico" e actuouse practicamente en vías de todos os concellos" de montaña, Terrá Cha e zona sur. "O goberno da Deputación manterá o dispositivo activado por mor das posibles inclemencias meteorolóxicas que se poidan producir, pois a previsión é que continúen as baixas temperaturas ao longo destes días", explicou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.