C's celebra cun gran cocido en Lalín o 5º aniversario en Galicia
A cita ía ser o pasado sábado pero pospúxose pola manifestación "a prol da unidade de España" de Madrid.
Por Galicia Confidencial | A Coruña | 15/02/2019 | Actualizada ás 11:48
Ciudadanos irá este sábado a Lalín, concello que goberna o galeguista Rafael Cuíña, para celebrar o seu quinto aniversario cun “cocido cidadán”. “A el pode sumarse quen queira” explica o coordinador da formación en Galicia, Laureano Bermejo, que asegura que, polo momento, son 200 as persoas desta formación que xa están anotadas.
A cita celebrase este sábado tras atrasar a data inicial prevista para o pasado domingo debido á convocatoria da manifestación en Madrid pola “unidade de España”.
Por parte da dirección do partido, estará presente todos os representantes do Comité Autonómico nun encontro, sinalou Laureano Bermejo, “no que hai moito que celebrar tras 5 anos de crecemento, implantación e no que faremos piña antes das citas electorais máis inminentes que temos”.
Ademais, suliñou que este partido está “totalmente preparado” para as municipais tras presentar candidatura en 100 concellos e, tamén, para unhas eleccións anticipadas, nas que di que este partido “vai crecer”.
