A Xunta pide ao Goberno que "rectifique" e dote a Lugo dun novo xulgado do social

Por E.P. | SANTIAGO DE COMPOSTELA | 27/02/2019 | Actualizada ás 14:38

Comparte esta noticia

O vicepresidente da Xunta de Galicia, Alfonso Rueda, reclamou ao Goberno que "rectifique" e dote a Lugo do xulgado do social solicitado, por tratarse dunha "decisión absolutamente obxectiva e imprescindible".

Así o transmitiu despois de que o delegado do Goberno en Galicia anunciase este martes que a proposta "definitiva" do Ministerio de Xustiza incluirá o xulgado do social para Santiago pero non para Lugo, as dúas peticións que figuraban na solicitude conxunta da Comisión Mixta de Xustiza, conformada pola Xunta e o Tribunal Superior de Xustiza de Galicia.

Fronte ao que se trataba dunha "proposta razoada", defendeu Rueda, asegurou que a "rectificación a medias" realizada polo Goberno é "inexplicable" ao ignorar a petición para Lugo. "Benvida esa rectificación, benvido ese recoñecemento de que non era unha decisión acertada a inicial do Goberno de España --para Santiago de Compostela-- pero non podemos celebrar unha rectificación total, que sería o desexable", remarcou este mércores Alfonso Rueda.

Ante isto, volveu a facer "un chamamento desde a Xunta" ao Goberno para que rectifique, que suma ao de "todos os grupos políticos do concello de Lugo, os avogados, os xuíces e todos os que viven o día a día das necesidades de Lugo".

O vicepresidente da Xunta, Alfonso Rueda, tras o Consello. CONCHI PAZ
O vicepresidente da Xunta, Alfonso Rueda, tras o Consello. CONCHI PAZ | Fonte: XUNTA

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta