Un ferido na Estrada (Pontevedra) tras chocar contra un muro e caerlle encima un poste eléctrico
O accidente ocorreu pasadas as dúas e media da madrugada, na vía de Cereixo
Por E.P. | SANTIAGO DE COMPOSTELA | 17/03/2019 | Actualizada ás 11:33
Un home resultou ferido tras chocar o vehículo no que viaxaba contra un muro na localidade pontevedresa da Estrada. Como consecuencia do impacto, un poste de electricidade próximo caeu encima do turismo.
O suceso ocorreu pasados uns minutos das 02,30 horas da madrugada deste domingo e, segundo informou o 112 Galicia, a persoa circulaba pola estrada de Cereixo, na Estrada.
Tras recibir a chamada de alerta dun particular, que indicaba, ademais, de que podería haber xente atrapada no interior do coche, os servizos de emerxencia avisaron ao 061-Urxencias Sanitarias, aos Bombeiros de Deza e á Garda Civil de Tráfico.
Así mesmo, foi solicitada a colaboración dos membros de Emerxencias da Estrada que, unha vez no lugar, descartaron o uso de material de excarceración.
