Temas: MEDIO RURAL LUMES XUNTA PROTESTA GALICIA RURAL SEAGA INCENDIOS CIG LIMPEZA MONTE

Os traballadores volven saír á rúa o 24 de abril en Compostela porque "non cren as promesas" da Xunta

Piden que se puntúe a súa experiencia para optar a listas e avisan do atraso en rozas pola falta de plans contraincendios municipais. Ademais, alertan que a limpeza de franxas aínda non comezou.

Por Europa Press / Redacción | SANTIAGO DE COMPOSTELA | 09/04/2019 | Actualizada ás 14:21

Os traballadores da empresa pública Seaga, dependente da Consellería de Medio Rural, protestarán o 24 de abril ante a Xunta de Galicia para denunciar que están "fartos" de descoñecer que ocorrerá co seu futuro e para reclamar que puntúen a súa experiencia co fin poder optar ás listas de contratación do servizo contra o lume da próxima campaña. Ademais, alertan de que os traballos de limpeza de franxas secundarias, ao redor de núcleos, aínda non comezaron.

Nunha rolda de prensa en Santiago, Cecilia Tarela, da CIG, explicou que este mesmo martes o director xeral de Defensa do Monte, Tomás Fernández-Couto, trasladoulles que estean "tranquilos" porque se vai a "baremar" a súa experiencia e poderán entrar nas listas, pero asegura que non se fían porque levan "escoitando desde outubro" promesas sen solución.

"Non nolo cremos", resolveu o presidente do comité da Coruña de Seaga, Peter Brea. "Que sexa verdade e non nos vacilen máis!", exclamou. "Como se nos pode vacilar desta maneira!", proseguiu nos seus reproches.

Explica que o ano pasado Medio Rural comprometeuse a ter unha puntuación coa que aínda non contan para presentarse ás listas do servizo público. "Pero ademais, temos claro que se non se abre un prazo extraordinario non temos prazo para apuntarnos, non dá o tempo", asegura. Por iso, Brea teme que este ano a Xunta empregue a lista de 2018 para a campaña de extinción "sen baremar" aos traballadores de Seaga e quédense " na rúa". "Quedan dous meses e non sabemos nada", quéixase. A protesta dos traballadores de Seaga, son uns 500 no persoal, sairá da compostelá Praza Roxa ás 11,00 horas rumbo á sede da Xunta, en San Caetano.

LIMPEZA DE FRANXAS

No tocante a limpeza de franxas secundarias de loita contra o lume, situadas ao redor de núcleos, o presidente do comité da Coruña de Seaga alerta de que "está todo sen xeito nin modo", xa que "en prevención non está a traballar ninguén". Espera que co decreto de franxas póidase contratar ao persoal de Seaga para facer a prevención, "pero a situación non está aclarada", porque "non está estipulado como son os contratos".

Ademais, explica que no decreto de franxas aínda "se están empezando a contratar aos técnicos, está a empezarse a estipular que traballos hai que facer e en que concellos". Xunto a isto, indica que "vai haber unha segunda quenda" de concellos adheridos, porque "ningún cumpre case ningún dos preceptos da lei de incendios nin ten un plan contraincendios".

"Realmente, os concellos son unha parte moi importante do problema dos incendios en Galicia", opina Peter Brea. Aquí, tacha de "aberración" que a Xunta "siga co empeño" de empregar brigadas municipais que "non teñen formación" para a loita contra o lume.

Cecilia Tarela avisa de que a limpeza "se atrasou outro ano máis", dado que agora os concellos deben realizar os seus plans contraincendios. Por iso, prevén que, do mesmo xeito que os últimos anos, haberá que realizar as tarefas de prevención no propio período de alto risco e compatibilizalas coa extinción. Así mesmo, Brea cargou coa actitude "irresponsable" da Xunta na última vaga de incendios en Galicia durante o mes de marzo, ao non contar cos medios dispoñibles, segundo critica.

Temas: MEDIO RURAL LUMES XUNTA PROTESTA GALICIA RURAL SEAGA INCENDIOS CIG LIMPEZA MONTE

5 Ramoncho

Señor Peter, non entendo o por qué de sempre botar mer** as brigadas municipais, moitos dos que estamos nestas brigadas xa fumos empregados de SEAGA e marchamo para as brigadas municipais polo feito de que era a única maneira de ir sumando puntos por mes traballado para incorporarnos nun futuro a listas de contratacion da Xunta.... outros preferiron quedar en Seaga sabendo o que había... moito mellores soldos, mellores condicións de traballo e a tranquilidade de cada campaña ter traballo sen estar a mendigar de concello en concello. Vostedes seguén a ter traballo en SEAGA, non quedan na rúa.

4 Antón

6. Por último decirlle ó señor Peter Brea que vostedes non son mellores traballadores, nin con máis experiencia nin mellor preparados ca outros. Cando vostede di que os Bombeiros Forestais Municipais non teñen formación está faltando a un colectivo de case 3.000 persoas, no cal conviven profesionais que lle darían a vostede un verdadeiro repaso en cada un dos campos que se propoña. Cando vostede se preguntaba e o 01/10/2018: “se non lles chegou o noso apoio explícito desde o momento un, case prefiro nin saber por qué foi” supoño que ese apoio é calificar ós empregados municipais nos termos que nesta nova se leen. Cando dixo: “deixade de botar a culpa e a m**** por enriba dos que coma vos están fodidos” supoño que as súas palabras sobre o colectivo municipal son rosas. Señor Peter Brea e señores de SEAGA, deixen de crerse o ombligo do sector. Loiten limpamente e asumindo os custos das decisións que un toma na vida (4/4)

3 Antón Zait

5. Cando se iniciaron as “negociacións” no 2018 os representantes desta empresa e os seus sindicatos maioritarios entraron como un elefante nunha cacharrería, pedindo a subrogación directa ou puntuar igual que a Xunta a 0,45, e iso señores fixo algo moi sinxelo: activar ó colectivo municipal, o cal defendeu lexitimamente os seus intereses. Pero ollo, sen menosprezar como se fai nesta nova ou sen pasar por enriba de ninguén, simplemente loitando por que todo seguira como dende o ano 2007, tal e como a lei di dende hai moitos anos. Ninguén se debe estrañar de que outros traballadores do sector se sintan menosprezados e se alegren de que todo siga así: para estes chamamentos non chagades e para os próximos veremos. (3/4)

2 Antón Zait

3. Seguen a tirar pedras contra o seu propio tellado illándose dos demais partidos e sindicatos, monopolizando a súa “loita” en un só cor e unha soa bandeira. De quen é esta manifestación? Dos traballadores da empresa ou da CIG? Algún día espero que os traballadores desta empresa pidan responsabilidades ó sindicato da foto e ós seus representantes sindicais de moitos feitos que aconteceron nesta “negociación”. Xogar cos dereitos dos demais tendo os dun mesmo garantidos non é boa cousa. 4. Seguen a tirar de oportunismo. Si co incendio de Rianxo presionaron á Xunta o non escrito para obter un contrato anque fora duns días, agora seguen no mesmo coa limpeza de franxas. Señores de SEAGA, basta xa desta extorsión. A Xunta comprometeuse a chamalos para os tempos de contrato que a súa empresa ten firmados, e coa encomenda que estimen. E así será. Polo ben do colectivo sería mellor evitar malos pensamentos na cidadanía, tales como si arde=chamamentos a SEAGA (2/4)

1 Antón Zait

Isto xa cansa. Cansan as mentiras e cansan os menosprezos a outros colectivos para conseguir as súas demandas 1. Os traballadores da empresa SEAGA, son traballadores desa empresa, e as encomendas que esta recibe poden cambiar, neste caso un cambio como o que ocorre NON deixa a ninguén na rúa. Aqueles que non esteen satisfeitas con ese cambio, teñen a porta de saída aberta. 2. Os traballadores da empresa SEAGA coñecían dende o mesmo ano de creación do Decreto 37/2006 que agora queren que se lles modifique á carta, que os ENTES INSTRUMENTÁIS NON PUNTÚAN: NINGÚN puntúa. Non se poden aproveitar todas aquelas vantaxes do posto que ocuparon dende o ano 2007 ata hoxe (soldos un 50% máis altos que outros lugares, mellores medios de traballo, exención de concorrer dende cero cada verán a un posto de traballo, e despois pedir algo que se sabía que non era así. Hai unhas normas de xogo e vostedes queren aproveitar todo e cambialo ó seu antoxo, cando e como queren (1/4)