Por E.P. | SANTIAGO DE COMPOSTELA | 22/04/2019 | Actualizada ás 13:05
Os datos de visitantes a través do Camiño de Santiago disparáronse esta Semana Santa respecto ao mesmo período do pasado ano. En concreto, un total de 13.969 peregrinos recolleron a 'Compostela' entre o venres e o domingo de Resurrección, o que supón un 61 % máis que os datos do ano 2018.
Segundo os datos da Oficina do peregrino, a maior parte dos visitantes chegaron a partir do Xoves Santo (o 58%), con picos de máis de 2.000 persoas diarias en xornadas como o venres ou o sábado. A maior parte destes visitantes procedía do estranxeiro, sobre todo de Portugal, Alemaña, Irlanda e Estados Unidos, mentres que aqueles que acudiron desde o interior da Península fixérono desde Madrid, Andalucía ou Cataluña.
Máis da metade destes peregrinos realizaron o Camiño Francés, mentres que o Camiño Portugués foi a segunda ruta de preferencia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.