VÍDEO | O agradecemento das enfermeiras eventuais en loita á sociedade galega

Foron centos as mensaxes de apoio que recibiron nas pasadas semanas as enfermeiras eventuais que loitan por dignificar o seu traballo e cuxa protesta este pasado domingo, nas oposicións do Sergas, vestidas de loito, percorreu as redes sociais coma unha bola de neve.

"Faltaba que a enfermaría crera en si mesma e en Galicia damos o primeiro paso para que non só a profesión, senón a sociedade, descubra a enfermaría e que empece a coidar dos que coidan. Aínda temos bágoas nos ollos", expresaron este martes, como agradecemento a tantas mostras de agarimo, apoio e empatía. Por iso, realizaron este vídeo.