Edgewater busca vía rápida para macromina de ouro a ceo aberto

Os canadenses presumen de "apoio" da Xunta "a todos os niveis" e piden ao Goberno adiantar os trámites. Os ecoloxistas alertan que se crearán "tres instalacións contendo produto químico extremadamente tóxico para o home e a fauna" en Corcoesto, na Costa da Morte.

Por Walter Burns | Cabana de Bergantiños | 07/03/2012 | Actualizada ás 07:30

Aproximadamente 770 campos de fútbol. Este é o tamaño da mina de ouro a ceo aberto que a compañía canadiana Edgewater Exploration Ltd. segue a tramitar diante da Xunta. GC desvelou a existencia da concesión na Costa da Morte por 90 anos en 2010.

Na busca da declaración de "proxecto estratéxico"

Edgewater acaba de anunciar que solicitou ao Goberno Galego que declare a mina de Corcoesto "proxecto estratéxico". Segundo recoñece a propia compañía, "se se concede este status, o trámite da mina pode ser máis rápido en diferentes niveles, incluído o de lograr o permiso de minería".

De feito, os canadianos informan que xa remitiron o Estudo de Impacto Ambiental a San Caetano o 9 de febreiro. Coma nos parques eólicos, o habitual é que os donos das minas paguen e fagan as avaliacións de impacto na natureza, que despois revisa a Administración.

Os ecoloxistas din que afecta á Rede Natura, a empresa négao

A mina de Corcoesto conta coa oposición dos ecoloxistas. Por exemplo, a Sociedade Galega de Historia Natural solicitoulle á Xunta que avalíe en detalle o impacto da mina nos "Lugares de Interese Comunitario existentes na zona (LIC ES1110015 Río Anllóns) e as súas inmediacións (LIC ES1110005 Costa da Morte; ZEPA ES0000176 Costa da Morte)". A explotación ocupa terreos de tres municipios, os concellos de Cabana, Coristanco e Ponteceso.

Outro grupo ecoloxista, Verdegaia, xa alertou que a mina "está planeada sobre a zona protexida Natura 2000 do LIC do río Anllóns". A compañía reaccionou inmediatamente e dixo que "lamenta a falla de rigorosidade das críticas efectuadas por Verdegaia, baseadas nun documento de inicio que non recolle as características finais da mina". En definitiva, Edgewater nega que a súa explotación afecte a terreos protexidos da Rede Natura.

"Moi satisfeito co apoio e o progreso que estamos a recibir do Goberno Galego"

O que é seguro é que o grupo norteamericano aspira a un trámite veloz dos permisos ambientais mediante a declaración de "Proxecto Estratéxico". De feito o seu presidente, George Salamis, mostrase "moi satisfeito co apoio e o progreso que estamos a recibir do Goberno Galego, a todos os niveis".

Salamis non se corta á hora de falar de como estas xestións poden adiantar os permisos. "Baseándonos na nosa experiencia en España, adiantamos que recibiremos o permiso de explotación na segunda metade de 2012. Incluso antes, se a mina recibe o status de 'proxecto estratéxico' ", presume.

Os ecoloxistas non o teñen tan claro. Así, a SGHN alegou que a mina xeraría até 20 millóns de metros cúbicos de residúos, dos cales só unha parte serán reutilizados como áridos.

"Produto químico extremadamente tóxico para o home e a fauna"

Tamén teñen reservas sobre a agresividade dos produtos necesarios para extraer o ouro. Así, os ecoloxistas advirten que Edgewater vai estar "Empregando unha solución fortemente alcalina (pH 10,5) de cianuro sódico para separar o ouro das rochas extraidas e trituradas, sexa mediante lixiviación dinámica en tanques axitados ou mediante lixiviación en pilas. De empregarse esta última estarian a ceo aberto tres instalacións contendo dito produto químico extremadamente tóxico para o home e a fauna: a pila de rochas trituradas e as dúas balsas mineiras".

Edgewater Exploration Ltd. é unha compañía canadense especializada na compra e explotación de antigas minas de ouro que cotiza na bolsa de Toronto. Os seus dous maiores proxectos están en Ghana e Corcoesto.

10 manumarzoa

SOMOS O ÚNICO PAÍS DO MUNDO QUE NON PRECISA INIMIGOS, XA NOS MATAMOS A NÓS MESMOS...

1 Anonimo

Lista de mayores productores de oro del mundo: Australia,Sudáfrica,China,EEUU,Peru,rusia, Indonesia,canadá.

9 Breoghain

Espero que não se atrevam a semelhante puteo contra Galiza.

8 ero

Temos ouro nas rochas e andamos a emigrar para poder traballar. Porqué ten que vir unha "multinacional" e nos non podemos sacar ouro das rochas ?.

1 Senendp

haberia que preguntarlle a feijoneta

7 Anonimo

Aprovechamiento de los recursos naturales, os suena?

1 Anónimo 2

Aproveitamento SUSTENTABLE, non deixar todo feito un desastre. Mira esta reportaxe a ver que opinas despois. Adiántoche de que é o mesmo conglomerado de empresas o que está en Corcoesto. http://www.youtube.com/watch?v=hYOK...

2 Anonimo

La Ence cerrarla que huele mal. la acuicultura hace feo en la costa, las minas dañan el entorno(deberíamos cerrar también las de pizarra), Alcoa fuera que la transformación de bauxita crea muchos lodos, reganosa fuera de la ría. Que bonita iba a quedar Galicia!

3 Anónimo 2

Agricultura ecolóxica, gandeiría ecolóxica (sectores en alza) reservas mariñas (onde vai a de Lira, que funcionaba perfectamente? En Galicia o que temos é natureza. APROVEITÉMOLA E XEREMOS RIQUEZA DUN XEITO RESPECTUOSO. Ah, que non interesa. Moi triste. Se viches a reportaxe (dubídoo) verías que a minería aurífera apenas crea postos de traballo. Non hai máis cego que o que non quere ver.

4 Anonimo

Y usted cree que la producción ecológica es el futuro de Galicia? Todo suma por lo cual sus ideas no me parecen malas. Pero es precisamente lo que hay que hacer, sumar, en vez de escandalizarse cada vez que surge una posibilidad de aprovechar los recursos.

5 e1u

aproveitar os recursos quen? nós? Furan todo, subvencionámolos con cartos de todos, lévanse o ouro, e deixan todo feito un cristo. Uuaauuu! Como mola! Onde hai que asinar? Ou non é así? vamos andar tod*s *s galeg*s con cadeas de ouro? seguro q si...

6 Anónimo 2

Pero quen aproveita os recursos? O ouro vai quedar aquí? non. As subvencións que vai recibir a empresa (millonarias) van quedar aquí? non. Vanse crear centos de postos de traballo duradeiros e ben remunerados? non. Esa mina non vai xerar riqueza, senón ó contrario. E veremos a herencia que lle deixamos ás xeracións vindeiras. Acabo de ver un esquema das áreas da mina: Un quilómetro de burato, un quilómetro e medio de vertedoiro e medio quilómetro de balsas de cianuro. (sacado da web da empresa). Iso non pasa un estudo de impacto ambiental nin de broma, pero seguro que hai quen está interesado en que se aprobe. Eu só pido que antes de opinar te informes un pouco sobre o tema e en concreto sobre o caso de Corcoesto, eu lévoo facendo meses e non lle vexo xeito por ningún lado. Un saúdo

7 Anonimo

Que subvenciones? De que hablas? Vendrán, pagaran sus tasas, impuestos, crearan los puestos de trabajo necesarios para gestionar la mina. Pero tienes razón, la minería es mala! Vacas ecológicas y hierba ecológica es lo que te parece bien. Vamos apañados en Galicia con esa actitud.

8 Anónimo 2

JAJAJAJAJA pero que mal informado estás meu! A minería aurífera ten en España a súa producción TOTALMENTE subvencionada. Veña meu, fai un esforzo, mira o vídeo e despois falamos cando esteas mellor informado do que fan as empresas foráneas cos cartos de todos.

9 para anonimo

jajajajaj ti onde vives irman?? nunha cidade ou por aqui pola costa da morte?? que bonito e falar e permitir o que non nos vai a afectar co gallo do progreso, progreso tamen seria un centro de residuos nuclearse o caron da tua casa pero eguro que ahi si que te manifestarias en contra non vou entrar a votar discursos e cifras e datos so che digo unha cousa ti falas asi porque non sabes de que vai a leria das empresas "galegas coma ti" e outras derivadas cando caen por estes lugares, postos de traballo? jajajaja... curiosamente non para os aborigenes deste lugares pero si para a as oficinas da empresa situadas en santiago coruña ou vigo, ti sige creendo na sua leria e propaganda que amin e e os moitos coman min que vivimos por aqui xa non tragamos. pero o que nos jode e que ainda por enrriba de que non hay muito choio nestes lares ainda pretendan que vivamos coma os mutantes de futurama.

10 anonimo

do tema das subencions como decian aqueles falaremos outro dia

6 Ghalleghocomaotoxo

Contan que tamén había investigadores interesados en buscar algún atisbo de intelixencia nos miolos de Frijolito e da súa panda, pero ao final o seu proxecto quedou descartado porque non están os tempos para malgastar recursos en caralladas quiméricas.