Por Europa Press / Redacción | SANTIAGO DE COMPOSTELA | 17/07/2019 | Actualizada ás 11:16
Empregados de Santander Operacións e do Grupo BC protestarán este xoves na Coruña contra os senllos Expedientes de Regulación de Emprego (ERE) que afectarán a máis dun centenar de traballadores de ambos os centros de traballo.
A concentración terá lugar a partir das 19,00 horas enfronte da oficina de Recursos Humanos do Banco Santander, en Cantón Pequeno 15-17.
No caso de Santander Operaciones, filial do banco, pecharase o centro da Coruña, o que suporá o despedimento de 41 persoas procedentes dos servizos centrais do antigo Grupo Popular-Pastor.
No marco do ERE de 2017, tras unha redución de persoal de máis de 100 traballadores, o Santander externalizou o servizo ao pasar a integrarse no seu filial Santander Operaciones.
Pola súa banda, o Grupo BC Xestión Hipotecaria, subcontrata de Santander, presentou un ERE para 44 traballadores da sección de prefirma de hipotecas, pero os representantes dos empregados temen que se estenda ao resto do persoal ata máis de 60 persoas --nas funcións de facturación e centro de atención a sucursais--.
Os empregados denuncian o desmantelamento do centro de BC en Orillamar, así como que "non hai vontade ningunha de negociación" no marco dun ERE que suporá o despedimento deste primeiro grupo de 44 traballadores o 16 de agosto "polo mínimo que marca a lei".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.