Artigos de Lois Pérez Leira

Valoración de resultados

Ante a confirmación dos resultados definitivos das eleccións municipais do 24 de maio en Vigo, na miña condición de candidato a Alcalde pola plataforma cidadá Gañemos Vigo quero salientar que respectamos a vontade popular das nosas veciñas e veciños que lle outorgaron unha clara maioría absoluta ao actual alcalde Abel Caballero. Esperamos que este novo mandato sexa o do dialogo, a transparencia e a participación cidadá. Onde se pase do formigón á creación de emprego e ao desenvolvemento de políticas sociais en beneficio da maioría social.

Derrotar á casta e construír poder popular

A profunda crise política de Esquerda Unida, que está a piques da autoinmolación e os diversos erros estratéxicos e tácticos de PODEMOS nos últimos meses, converteron a estas próximas eleccións municipais nun verdadeiro «Cambalache» político, como dicía o tango arxentino composto en 1934 por Enrique Santos Discépolo para a película “A alma do bandoneón”.

Gañemos Vigo

Un novo tempo está percorrendo a nosa cidade. Os últimos resultados electorais das europeas sinalaron que a cidadanía comeza a estar farta dos políticos que nos gobernan. Entre os que votaron por candidaturas progresistas, cidadás, de esquerdas, mais o que optaron pola abstención consciente, somos a maioría. Por iso un grupo de cidadáns de distintas actividades, pensamentos e pertenzas políticas, que queremos a Vigo e vimos loitando por un Vigo mellor, máis democrático, máis participativo e máis habitábel, pensamos que é posíbel e necesario gañar Vigo para a cidadanía.

Eduardo Galeano e Galicia

O día e a noite, o comezo e o final, a vida e a morte. O xogo permanente da existencia. Eduardo Galeano faleceu malia que sempre pensei na súa presenza física eterna. Como a moitos, quizais a centenares de miles, Galeano marcou a miña vida, especialmente por mor dun libro expresivo e magoante titulado As Veas Abertas de América Latina.

Candidatura de unidade popular: gañemos Galicia

As recomendacións internas por parte do Consello Cidadán de PODEMOS do 29 de novembro en relación ás próximas eleccións municipais xerou un novo escenario de confluencia cidadá. A toma de distancia desta formación en relación a marcas xa preestablecidas no conxunto do estado como Gañemos ou, nalgunhas cidades, respecto ás Mareas, xerou un revulsivo xeralizado.

Semellanza entre Podemos e o Kirchnerismo

A agrupación xuvenil kirchnerista A Campora da Arxentina e o fenómeno PODEMOS do Estado Español, teñen algunhas similitudes e puntos de coincidencia. Ambos os dous fenómenos prodúcense no seo da mocidade, como parte dunha rexeneración democrática, fronte a unha clase política que actúa con métodos antigos e obsoletos.

Bergoglio e Pablo Iglesias

A presenza e o discurso do Papa Francisco ante a cámara de eurodiputados foi un sinal de valentía política deste Papa que nos sorprende cada día.

O fenómeno de Podemos

A impetuosa aparición de PODEMOS na escena política do Estado español, converteuse nun fenómeno nunca antes visto na xeografía europea. Moito se está escribindo sobre este fenómeno, que acapara as noticias, comentarios, faladoiros e editoriais, non só do territorio español, senón tamén do exterior. Moitos queren darlle unha interpretación a este fenómeno e cada analista, ou a propia xente, saca unhas conclusións distintas. Malia iso existen algunhas claves, para poder lograr achegarnos á análise máis correcta. Por unha banda este movemento é unha expresión do 15 M, sen aquel acontecemento - semellante ao Maio Francés- non existise a creación de PODEMOS. Naquel histórico movemento cidadán a poboación manifestouse en todos os recunchos da península, contra a clase política gobernante, esixindo maior democracia e participación cidadá.
Lois Pérez Leira Naceu en Vigo en 1953, emigrando á Arxentina cos seus pais sendo aínda un neno. En 1990 retorno definitivamente a Galicia, especializándose en temas migratorios. Durante estes últimos anos escribiu numerosos libros sobre a emigración galega e impartiu distintas conferencias en distintos países do mundo. Nos últimos anos se dedicou ao documentalismo sendo director de 18 documentais. Na actualidade é o secretario xeral de Nova Esquerda Socialista, organización que participa do Novo Proyecto Común. Foi distinguido en numerososa oportunidades, sendo nomeado cidadán ilustre da cidade de Salvador de Bahia.