Guía para non perderse un 25 de xullo reivindicativo marcado pola división política

O PSdeG volve a Rianxo. O nacionalismo e independentismo van divididos, igual que Anova, Podemos e Esquerda Unida, a pesar de estar aliados na Cámara galega. O PP adiantou os actos para o 23 de xullo.

Por Europa Press / Redacción | Compostela | 24/07/2019 | Actualizada ás 21:50

Comparte esta noticia

Un ano máis, as forzas nacionalistas e independentistas volverán celebrar por separado o 25 de xullo, xornada na que Santiago seguirá sendo o 'epicentro' dos actos das forzas políticas, aínda que partidos como PSOE, Podemos e Esquerda Unida optaron por 'descentralizar' o Día de Galicia e elixiron puntos como Rianxo, Marín e Mugardos, respectivamente.

Este 25 de xullo será unha nova xornada de reivindicación da "patria" galega para as formacións nacionalistas que, desde o ano 2012 coa ruptura da forza que ata entón aglutinaba o sentir 'nacional', convocan diferentes actos na capital galega. Tamén as forzas independentistas celebrarán por separado esta data tan simbólica para o país. E, en parte, a xornada virá marcada polo que aconteza no Congreso dos Deputados, onde se celebrará a segunda votación para a investidura como presidente do Goberno do candidato socialista, Pedro Sánchez.

Acto político de Agora Galiza nos actos do Día da Patria
Acto político de Agora Galiza nos actos do Día da Patria | Fonte: Agora Galiza

NACIONALISMO E GALEGUISMO

Como cada ano, o Bloque Nacionalista Galego (BNG) marchará polas rúas de Compostela. A manifestación partirá ás 12,00 horas da Alameda para concluír na Praza da Quintana, onde a portavoz nacional, Ana Pontón, pechará o acto.

No barrio de Vista Alegre, repite En Marea no que será o primeiro 25 de xullo tras a división definitiva do espazo político da esquerda rupturista e que provocou que no Parlamento, a En Marea oficial estea no Grupo Mixto con catro deputados.  A formación que lidera Luís villares elixiu como 'leit motiv' da súa celebración do Día de Galicia, ademais do seu proxecto nacional, o ecoloxismo, un dos "alicerces" sobre os que queren sustentar un proxecto político que pretenden diferenciar das propostas de BNG, Podemos e PSdeG coa vista posta nas autonómicas previstas para o próximo ano.

A 100 metros destes, no parque de Galeras, parte de Anova --esta formación está dividida á espera do seu futuro incerto-- celebrará o seu primeiro acto político do 'Día da Patria Galega'. Non esta prevista a participación de quen foi o fundador deste movemento e histórico do nacionalismo, Xosé Manuel Beiras.

Pola súa banda, a formación galeguista Compromiso por Galicia (CxG) iniciará o día cunha ofrenda floral no Panteón de Galegos Ilustres de Bonaval, en Santiago. Tras un paseo pola capital galega, desprazaranse ao parque de Eugenio Granell, onde terá lugar un acto político no que participarán membros da dirección do PNV.

PSOE, EN RIANXO CUN OLLO EN MADRID

O Partido Socialista volverá a Rianxo para realizar a súa tradicional ofrenda floral ante a estatua de Castelano, o polifacético galeguista natural da localidade do Barbanza. Na vila natal de Castelao estará o secretario xeral dos socialistas galegos, Gonzalo Caballero, na que será o seu segundo 25 de xullo como líder do PSdeG e o primeiro como cabeza da oposición no Parlamento galego unha vez formalizado o seu ingreso como deputado o pasado mércores.

Pola súa banda, o Partido Popular xa celebrou os seus actos con motivo do Día Galicia, xa que decidiu adiantalo a este martes 23 para reservar os días 24 e 25 á axenda institucional. Foi no Concello de Lalín (Pontevedra), onde os populares homenaxearon "ao rural galego" cunha ofrenda floral aos pés da estatua de 'Balbino', onde está emprazada esta escultura en honra ao protagonista do libro 'Memorias dun neno labrego', do escritor Xosé Neira Vilas.

PODEMOS, EU E COMPROMISO

Ademais, Esquerda Unida tamén repite localización: o Concello de Mugardos (A Coruña), gobernado desde 2016 por Pilar Díaz, militante da federación galega de Esquerda Unida. Alí estará a coordinadora nacional de EU e deputada de En Marea, Eva Solla.

Marín (Pontevedra) é o lugar elixido por Podemos Galicia, que transforma a súa idea, iniciada o ano pasado, de celebrar o "día da matria" por un acto ampliado a "toda a idea do feminismo". Terá lugar na praza de Carmen Pesqueira 'A Capirota', unha lavandeira violada e asasinada por un grupo de falanxistas en 1936.

INDEPENDENTISMO

Tamén as dúas grandes forzas independentistas galegas, Causa Galiza e Agora Galiza - Unidade Popular celebrarán por separado o Día da Patria Galega. A primeira forza incidirá no seu proceso Trevinca, para a consecución da independencia de Galicia, nunha manifestación que comezará ás 12.30 desde Alameda, pouco despois de que inicie a do BNG, formación coa que non conseguiron chegar a un acordo para ir xuntos. Pola súa banda, Agora Galiza celebrará unha concentración, ás 13.00 horas, na Praza do 8 de Marzo na que reclamarán unha "Galiza antifascista, livre e vermelha".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 7 comentarios

4 Freixo

Outros prefeririamos nom ver suprmeacistas e chauvinistas espanhóis, nem em santiago nem nestes fóruns...e temos que aturar-vos um dia sim e outro também. Ide-vos à fava!!

3 nostrus

O dia de hoxe é un dia festivo e de ledicia para todos os galegos, agás para os nacionáticos que só é un dia de subidón para alucinar e recrearse en pallas mentais identitarias e maniáticas coas que rematarán nunha gran resaca e decepcion. Pobres diaños que só valen para ser bufons do reino.

2 Loureiras

Galeguiña e nostrus: ide a un hotel e pechádevos no baño. Ladrades? Logo, imos no bon camiño. Galiza prevalecerá. Vós estades condeados a vivir nunha nación allea á vosa Hispañistán. Sufride...

1 nostrus

A quien le toca sufrir es a los españoles de mala fe, a los españoles atrapados en una nacionalisdad de la que reniegan, a los españoles de Galicia que imploran por una Galicia ficticia. Los demas estamos a gusto, los que nos gusta la Galicia real, tal como es. Yo quisiera que fueses felices, pero vuestra doctrina y vuestro egoismo os lo impide.

1 Galeguiña

Non sei se é un crebacabezas ou un pesadelo. Son de Santiago e cada día sinto máis rechazo polas manifestacións políticas durante as festas do Apóstol. Qué vaian berrar a outras vilas ou cidades e nos deixen aos santiagueses en paz coas nosas festas! Non quero que os turistas e peregrinos que nos visitan a milleiros estes días leven a impresión de que os galegos en xeral e os de Santiago en particular, estamos pola independencia o comunismo ou cousas polo estilo. Santiago é o Patrón de España dende hai séculos e iso é máis importante que o conto da "Patria Galega" que só representa aos nacionalistas. Pois iso, que vaian berrar a outro sitio. Canto mais lonxe, mellor

1 nostrus

Ser patriota español pasa tamen por ser patriota galego, pero esta xente co seu pseudopatriotismo só consiguen ser patriotas galegos incompletos que precisan renegar do que son para sentirse galegos e ao mesmo tempo fanlle un fraco favor a Galicia pola mala imxen que intentan trasmitir dela. E imposible ser galego sin ser español e Galicia é maravillosa a pesar deles.

2 Sentidiño

Vá mos ciú dadá nos, vá mos ciú dadá nos,... ;-)