Ana Miranda pregunta polo financiamento para sanear da ría de Cee e Corcubión

A portavoz do BNG en Europa critica que "a contaminación repercute dun modo tremendamente negativo no medio ambiente e nos sectores marítimo e pesqueiro".

Por E.P. | SANTIAGO DE COMPOSTELA | 10/10/2019 | Actualizada ás 14:21

Comparte esta noticia

A portavoz do BNG en Europa, Ana Miranda, presentou este xoves unha pregunta ante a Comisión Europea para coñecer se existen fondos Feder dispoñibles para acometer o saneamento da ría de Corcubión e Cee, así como se xa foron solicitados.

Nun comunicado, Miranda asegura que "non se pode aprazar máis o cumprimento da Directiva Marco da auga", xa que "a contaminación repercute dun modo tremendamente negativo no medio ambiente e nos sectores marítimo e pesqueiro".

Na súa pregunta, Ana Miranda explica que a ría de Cee e Corcubión presenta "importantes problemas de contaminación e falta de saneamento integral das augas residuais" como consecuencia de "a ausencia de redes separativas de augas fecais e pluviais".

"Estas carencias provocan, xunto ao mal funcionamento da EDAR, a vertedura á ría de millóns de litros de auga sen depurar", asegura a portavoz nacionalista, que advirte de que o descenso da actividade económica e dos postos de traballo relacionados coa pesca e o marisqueo nas localidades da zona "é unha constante".

Ana Miranda acusa a Xunta de "non tomar este asunto en serio" e de "non estar pendente dos recursos que pon a disposición periodicamente Bruxelas para paliar os problemas de falta de saneamento".

Ana Miranda presenta iniciativas sobre a ría de Cee e Corcubión.. BNG - Arquivo
Ana Miranda presenta iniciativas sobre a ría de Cee e Corcubión.. BNG - Arquivo | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta