A IV edición do Club Estrella Galicia programará 60 actuacións nas salas galegas
A Asociación Galega de Salas de Musica ao Vivo, Clubtura e Estrella Galicia renovan un ano máis a súa alianza para apostar polo talento musical galego.
Por E.P. | SANTIAGO DE COMPOSTELA | 17/10/2019 | Actualizada ás 14:08
A IV edición do Club Estrella Galicia programará un total de 60 actuacións ata maio de 2020 en salas galegas, nas que actuarán artistas de longa traxectoria, como Moon Crista; e novas propostas musicais, como Allova ou Nítido.
Deste xeito, a Asociación Galega de Salas de Musica ao Vivo, Clubtura e Estrella Galicia renovan un ano máis a súa alianza para apostar polo talento musical galego.
Na presentación celebrada este xoves na Coruña, o responsable de Patrocinios Musicais da compañía, Victor Martiñán, destacou que este ciclo serve para salientar que Estrella Galicia ten "conciencia" de empresa galega, e aposta por bandas que teñen unha gran proxección.
Pola súa banda, o presidente de Clubtura, Alberto Grandío, apuntou que esta iniciativa supón un "importante respaldo" ás salas de concertos das catro provincias, que "son o motor da cultura musical máis próximo ao público e o inicio de calquera banda".
Os primeiros concertos confirmados son os de Andhrea & The Black Cats + Airline (Café Teatro Bajo 5, O Barco), The Pretty Shirts + Nítido (JJ Copas, Ponteareas), Pardo + Sabela King & The HeartBreakers (La Pecera, Vigo), Cora Velasco + Allova (A Ventana, Laxe), Balea's + The Broke (El Contrabajo, Vigo), Conducto Coloquio + Frying Luras (Clavicénvalo, Lugo), Moon Crista + Frying Luras (Mardi Gras, A Coruña) e Leo Burke + Sleeping Cat (Sala Moon, Santiago).
