A Xunta insiste en defender o ensino do inglés antes que o do galego porque este "xa se coñece"

Feijóo foi contundente cando Galicia Confidencial lle preguntou sobre o Informe do Consello de Europa e se non teme que os galegos máis mozos acaben perdendo o seu idioma. "O coñecemento do galego está garantido, non así o do inglés", foi a resposta.

Por Galicia Confidencial | Compostela | 12/12/2019 | Actualizada ás 15:42

Comparte esta noticia

"O coñecemento do galego está garantido, non así o do inglés e estamos intentando garantir o seu coñecemento con maior intensidade". Así de contundente se amosou o presidente da Xunta, Alberto Núñez Feijóo, logo de coñecerse este mércores un informe do Consello de Europa sobre o cumprimento dos compromisos do Goberno galego respecto da Carta Europea de Linguas Rexionais e Minorizadas.

Clase de inglés para nenos
Clase de inglés para nenos | Fonte: ciudadpeques.com

Este estudo apunta a que caen drásticamente os falantes, fallan as medidas para facilitar a atención desde a administración e a presenza do galego no sistema educativo é insuficiente, especialmente, en preescolar e en primaria. De feito, alerta sobre a ruptura da transmisión interxeracional deste idioma e como algúns pequenos falan millor inglés do que galego.

"Sorprendeme que se critique o plurilingüismo. Se hai informes que din que os nenos non poden falar, estudar ou conversar en inglés alá os autores do informe. Nós temos moi claro que os galegos debemos coñecer para falar e escribir o galego, o castelán e o inglés e, por iso, imos insistir nas políticas de plurilingüísmo porque son moi procedentes na Europa actual", respondeu un Feijóo que semella non coñecer, ou non quere recoñecer, o alcance real deste severo toque de atención da UE.

O GALEGO "MELLOR" QUE NUNCA

Neste sentido, usou como coartada informes do INE, da RAG ou do Instituto Galego de Estatísticas para dicir que o galego está "mellor que nunca". "Por suposto se hai que traballar polo galego, por suposto, pero nunca se deu como ata agora tantos galegos que souberamos escribir e ler galego en toda a historia. E isto non o di ese informe, senon o INE, a RAG e os estudos do Instituto Galego de Estatística", dixo.

Hermanager humor - Galegos falan inglés
Hermanager humor - Galegos falan inglés

Ante estas preguntas, Galicia Confidencial preguntoulle se non teme que o galego acabe sendo unha lingua testemuñal sabendo xa que os máis novos prefiren o español e o inglés que o galego. "Temos un problema na fala, non no coñecemento, senón polos problemas da mocidade en falar galego. Ese problema está detectado e diagnosticado", dixo.

AS PROPOSTAS DE FEIJÓO

E cal é a medida que propón a Xunta para solucionalo; "pois facer campañas de promoción do uso do galego porque o de garantir o adestramento oral e escrito do galego estamos nos mellores datos desde que hai rexistros", foi a resposta de Feijóo.

Nin cambiar a actual lei do plurilingüismo, nin fomentar o seu uso en ámbitos educativos ou sociais ou mesmo realizar programas de inmersión lingüística. A Xunta reduce todo a "campañas de promoción". É dicir, a darlle diñeiro aos grandes medios de comunicación que utilizan o español para que poñan anuncios sobre o uso do galego e axudar así a que estes mesmos medios falen ben das políticas lingüísticas de Feijóo.

"Por suposto que non imos renunciar a que a xente non coñeza galego. Sería ridículo que un galego non coñecera o seu idioma, pero tampouco imos impedir que os galegos sexan plurilingües como o resto dos europeos. Do mesmo xeito que un alemán fala dous ou tres idiomas, un galego tamén o tería que facelo", concluíu.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 9 comentarios

7 uu1

Por certo, eu não conheço nenhuma empresa privada que pague mais por conhecer o inglês, conheço muitos onde o inglês é o idioma oficial sem o qual não podes trabalhar nela. Engado, eu estivem no França, Holanda, Singapore, China, Brasil, Chile, Noruega, Rússia, e o único idioma que precisei foi o inglês (que não se entenda mal, no Brasil falava galego e em Chile falava castelhano), mas, não se me passa pela cabeça dizer que o francês, holandês, chinês, a variedade brasileira da nossa língua, a variedade latina do castelhano, o norueguês, ou o russo não servem para nada, de feito lamento muito não fala-los. Eu lembro-me de cativo como uma pessoa de Bilbao que deu uma conferência sobre meio ambiente no colégio, o primeiro que fixo foi pedir desculpas por não “falar galego”, e há gente que diz que hoje a nossa língua está em uma melhor situação!!

6 uu1

Desde logo Feijóo é um grande demagogo, possivelmente isso o converte em um bom político!! Sobre as estatísticas do IGE, mais galego que castelhano (ano 2003 62%, ano 2018 52%, 10% menos), menores de 15 anos mais galego que castelhano (ano 2003 40%, ano 2018 26%, 14% menos), e estes são os melhores dados da história!!! Demagogia!! Por certo, eu concordo no ensino do inglês, que na atualidade é o idioma global, e que melhor maneira de melhorar o nosso inglês que saber falar o galego corretamente? Pois só com a pronuncia do “x” galego, do “m velar”, do ditongo “ou”, das sete vogais galegas...teríamos um dado um passo de gigante! Claro que há alguns que dim que o anterior são cousas do “nacionalista”, isso sim, logo presumem de ter um nível alto de inglês! Para falar bem em inglês aprendamos corretamente o galego e deixemo-nos de demagogias!

5 Xian do Sil

Básicamente correcta la comparación de utilidad Inglés/Gallego; pocos padres habrá que no estén de acuerdo, a no ser los fanatizados/interesados, que son cuatro gatos aunque armen mucha bulla. Sin embargo, Núñez Feijóo se comporta como un filonacionalista gallego al no garantizar la enseñanza en español para cualquier estudiante que lo solicite. España debe de ser el único país del mundo donde no se puede estudiar en el idioma oficial común en una parte significativa de su territorio.

4 André

Nom há um só membro do Governo que fale corretamente galego e a maioria som quase analfabetos, a começar polo Presidente Feijóo. E digo bem porque se lhe perguntássemos os nomes das letras nem saberiam dizer. Tampouco cousas tam básicas como as partes do corpo humano. Procuram alargar a sua ignorância a todo o povo para nom ficarem assinalados.

3 fgt

El inglés es un valor añadido al curriculum y hay empresas que pagan más a sus empleados si saben inglés. No hay empresas que paguen más a sus empleados por saber gallego.

1 Cereixido

Eu teño certa comprensión polas pulgas, piollos e carrachas. Sendo molestos, vailles a vida propia e a da prole en picar. O que non entendo é a satisfacción que obteñen outros seres inmundos no seu acoso permanente ao débil. Supoño que algunha enfermidade ou fraqueza mental fará que obteñan pracer, compartido polo moderador das mordidas para incrementar ou animar as revisións dos parásitos por parte dos lectores. Pobre xente.

2 fgt

Ou sexa, que nada do que dixen é incerto, e como proe, tes que botar por esa boquiña. Non vale para nada, é unha estafa ao galego para enriquecer aos nacionalistas e para que o PP poida ter alienada á poboación.