Marc Anthony actuará no Monte do Gozo de Santiago o 21 de xuño
Virá co seu 'Opus Tour'.
Por Europa Press / Redacción | Santiago de Compostela | 17/12/2019 | Actualizada ás 19:14
Marc Anthony volverá a España o próximo ano co seu 'Opus Tour' e celebrará actuacións en oito cidades durante o mes de xuño, entre elas no Monte do Gozo de Santiago de Compostela.
Os concertos terán lugar o 12 de xuño en Valencia, o 13 en Murcia), o 16 en Madrid, o 18 en Barcelona), o 20 en Oviedo, o 21 en Santiago, o 25 en Sevilla e o 26 en Fuengirola.
As entradas estarán á venda este venres 20 de decembro ás 12:00h en www.marcanthonyspain.com, Clicktaquilla, Ticketmaster e El Corte Inglés.
O artista portorriqueño estará a presentar 'Opus' (Magnus Media / Sony Latin Music), o seu primeiro álbum de estudo en seis anos e o seu oitavo desde que 'Otra nota' (1993) o establecese nun lugar destacado dentro do mundo da música latina.
