GC publicará recomendacións de libros, deporte, contos, humor ou gastronomía para pasar a corentena

Galicia Confidencial inicia unha serie de artigos nos que irá facendo recomendacións, da man de distintos profesionais, para ir pasando o mellor posible estes días de illamento.

Por Galicia Confidencial | Compostela | 18/03/2020 | Actualizada ás 13:20

Comparte esta noticia

Galicia Confidencial pon en marcha distintas propostas para tentar pasar esta corentena do mellor xeito posible. Por iso, e grazas a colaboración de distintos profesionais, publicará artigos sobre música, libros, deporte, contos, humor ou gastronomía, entre outros.

Libros de Xerais
Libros de Xerais

Entre os colaboradores desta sección improvisada están o crítico David González, autor do blogue Palabras de Gatsby, que recomendará libros; Alberte Montes, actor, cómico e guionista, que terá unha pequena sección de humor ou o profesor de Educación Física, Diego Rojo, sobre deporte. Ademais ofreceranse receitas coa colaboración de distintos cociñeiros ou consellos sobre banda deseñada.

GC tamén divulgará os contidos de #pandemiadecontos do Colectivo Narración Oral Galega (NOGA), que agrupa ós profesionais contacontos, entre eles, Brais das Hortas, Atenea García, Avelino González, Caxoto, Cris de Caldas ou Soledad Felloza a través do Festival Atlántica. Co mesmo fin, o colectivo Urdime tamén anda preparando outro proxecto - Cantos e contos desde o poleiro - para facer levadeiro este tempo de retiro.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta