Feijóo prevé permitir a total mobilidade o luns, pero di descoñecer cales son as súas competencias na fase 3
O presidente da Xunta esixe ao Goberno central coñecer "que competencias terán os presidentes autonómicos" durante a última etapa da desescalada.
Por Europa Press / Redacción | Santiago de Compostela | 05/06/2020 | Actualizada ás 16:01
O presidente da Xunta, Alberto Núñez Feijóo, prevé a apertura da mobilidade polas catro provincias galegas a partir deste luns, día en que toda Galicia pasa á fase 3. No entanto, dixo que aínda hai unha "gran confusión" respecto diso, polo que esixiu ao Goberno central coñecer "que competencias terán os presidentes autonómicos" durante a última etapa da desescalada.
Feijóo recoñeceu que "non sabe" se os presidentes das comunidades poden ser "autónomos" para tomar esa decisión ou se "hai que solicitalo" ao Ministerio de Sanidade.
"Expomos algo fundamental, que é saber cales son as competencias da Xunta en fase 3, porque non as coñecemos. Coméntase que o Goberno vai aprobar normas para concretar cales son as competencias dos presidentes autonómicos", engadiu.
