Os traballadores da Voz denuncian ameazas

Reunidos en Asemblea, rexeitan negociar nos termos propostos dende o xornal. La Voz pretende recortarlles máis o salario e poder botalos máis barato, malia seguir recibindo unha enorme cantidade de axudas públicas. Comezan as mobilizacións.

Por Galicia Confidencial | A Coruña | 26/02/2013 | Actualizada ás 14:24

Máis de 160 traballadores e traballadoras das distintas delegacións de La Voz de Galicia mantiveron unha asemblea esta fin de semana. Os asalariados confiramaron a negativa a aceptar "o marco de negociación imposto pola empresa". Os traballadores denuncian que na proposta empresarial, "inzada de ameazas e ilegalidades", ínstase aos asalariados a aceptar unha rebaixa salarial do 12,5% e despidos sen límite.

Primeiras mobilizacións

Reunidos en asemblea, os proletarios apoiaron aos seus representantes que comunicaron á compañía de Santiago Rey que "non aceptamos a negociación coa empresa nos termos, calendario, obxectivos e proposta contidos" da proposta patronal.

Despois da asemblea, o Comité Intercentros (formado por trece traballadores) estaba convocado a unha concentración diante da antiga sede de La Voz de Galicia en Catro Camiños, no centro da Coruña. A pesar de que a convocatoria estaba restrinxida aos delegados de persoal, medio centenar de asalariados sumáronse á protesta, segundo informa a CIG . O sindicato nacionalista é o máis representado nun comité no que tamén participan, entre outros, Sindicato de Xornalistas e Comisións Obreiras.

"Prevé unhas pérdidas de 3,5 millóns en 2013"

Segundo informa Comisións, La Voz pretende baixar o salario un 12,5 por cento os dous próximos anos para todos os que cobren máis de 20.000 euros brutos por exercicio. Para compensala, a empresa propón unha paga de beneficios en función dos resultados antes de impostos, malia que a propia compañía "prevé unhas pérdidas de 3,5 millóns en 2013".

CC.OO. calcula que nos últimos cinco anos La Voz botou a 123 traballadores, un 25 por cento do total, reduciu os salarios aforrando 5,2 millóns e aumentou a carga de traballo por riba do fixado no convenio.

Os sindicatos do diario maís vendido en Galicia aseguran que nos últimos anos os directivos e propietarios repartíronse máis de 7 millóns en dividendos mentres recortaban salarios e aumentaban xornadas.

Axudas de públicas millonarias sen garantir o emprego

A empresa non fixo pública polo de agora a súa versión do conflito. O diario herculino está a sufrir como todos os medios en papel a caída de ingresos pola recesión das vendas e o derrumbe do mercado publicitario.

Polo tanto La Voz aplica estes recortes, despedimentos e reparto de beneficios entre os accionistas grazas, sobre todo, a continúa e masiva inxección de cartos públicos por parte da Xunta e outras administracións.

Por exemplo, aos tres anos de gobernar Alberto Nuñez Feijóo o diario de Santiago Rey xa recibira 7,2 millóns en axudas. Deses 7,2 millóns, unicamente o 35 por cento recibíraos mediante concurso con publicidade, o resto foi a dedo.

O equipo de GC expresa a súa solidariedade cos compañeiros de La Voz de Galicia nestes difíciles intres, igual que fixo con todos os compañeiros que sufriron recortes e despedimentos nestes anos.

7 Ex lector da Coz

Á marxe das liortas entre bloqueiros e beiristas, o caso é que ese PPanfletucho vai dando pasos para o seu peche definitivo. Celebrémolo de fagamos o posible para que ese peche chegue canto antes.

6 lois

A prensa escrita vaise ao tacho. Dentro de nada só quedaran xornais dixitais, coma GC, que se nutre , en parte, dos comentarios alporizados dos propios lectores, e que, lóxicamente, son gratis. 7 millóns de euros en subvención son unha salvaxada. Non sei coma sobreviven outros xornais.En fin, en Galicia ( e seguramente no mundo mundial ) o porvir dos periodistas está un pouco negro. ¿ Non si ?

1 Un lector

¿E son necesarios os xornalistas nos tempos de internet? ¿Seguro que non fan un traballo, que está demasiado ben pagado para a responsabilidade que teñen? ¿O xornalismo non tería que ser unha formación profesional? PD: noto últimamente que aos Ex-Voz se lles vai bastante a pinza, que esaxeran, que son apasionados. Todo esto para min que resta credibilidade á mensaxe inicial que tiñan.

5 Un de fóra

A solución a todos os problemas da voz como ben saben todos os traballadores é que volvan: _Félix Soria, en calidade de Consejero Delegado _Mexuto o do Bloque, en calide de xefe da máquinas (rotativa) _Gómez, o ex director, para alguén chame a Quintana a Brasil E tambén saben os traballadores que a solución é fichar: _Xurxo Salgado, o deste confidencial, para director. _Paco Rodríguez, articulista en substitución de Ónega. _Iolanda a de Ferrol para presentar o debate de Voz Televisión

1 Xosé M. Martínez

Primeiro foi "un de dentro" e logo "un de fora", os "peóns" da Voz teñen moi pouca orixinalidade á hora de escoller alcumes.

4 omaio

Home ,ex voz,non metera a todos traballadores da voa no mesmo saco,hai traballadores... e hai bufóns,p.ex os que censuran os comentarios e a manipulan as enquisas no diario dixital,os que se prestan a manipular sesgadamente a información etc, ou os (presuntos periodistas,economistas,etc)engominados ,ou cunha tripa descomunal. Ou os fillos de papa ,enchufados,,..non é certo????

3 Un de dentro

Cando Santi lle venda o periódico a Xose _non Xosé_ (xa hai conversas)para botar a Feijoo a Xunta, aos traballadores non lle van pedir que se baixen algunha das CATRO pagas extra que aínda apoquina o burgués do señor Rey, senón que se lle vai pedir aos traballadores que aporten as CATRO pagas a AGE para a causa. Os tempos son chegados. Din que daquela vai voltar pero xa como director o grandísimo xornalista Félix Soria. Me entra tanta risa que de descojono solo de pensar en los burgueses xornaleiros de La Coz entregando el 20% del salario a Xose, a la de Ferrol a un melenas que anda por el Parlamento. Ao mellor daquela a CIG _por reacción al Petain traidor coas esencias da UPG_ chama a Santi para que volte e que lles vaixe o 12,5%. Mellor que o leve o Patrón que darllo ao enemigo.....