Extinguido o incendio forestal de Cerdedo-Cotobade tras queimar 105 hectáreas

A Consellería do Medio Rural informou da extinción do incendio forestal que afectaba desde o luns ao municipio pontevedrés de Cerdedo-Cotobade, que calcinou un total de 105 hectáreas.

En concreto, segundo concreta a Consellería, o lume, iniciado na madrugada do luns na parroquia de Augasantas, quedou apagado sobre as 22,10 horas da noite deste xoves.

Das 105 hectáreas de superficie arrasadas, 80 correspóndense con monte raso e os 25 restantes, con arborado. Na extinción deste incendio mobilizáronse un técnico, 17 axentes, 39 brigadas, 30 motobombas, dúas pas, seis avións e tres helicópteros.

Incendio en Cerdedo-Cotobade | Fonte: ATBRIF.