Por E.P. | SANTIAGO DE COMPOSTELA | 15/09/2020 | Actualizada ás 13:13
A 'Campaña de verán' de campamentos, campos de voluntariado e minicampamentos posta en marcha pola Consellería de Política Social durante este 2020 concluíu con "éxito" de participación e organización, segundo destacou a súa conselleira, con máis de 6.800 prazas cubertas e ningún caso de COVID-19 entre participantes nin monitores.
Así o explicou este martes a conselleira de Política Social, Fabiola García, que compareceu xunto coa directora xeral de Xuventude, Cristina Pichel, para facer balance desta campaña, que este ano atrasou o seu inicio para axustar todas as actividades ás medidas e o protocolo acordado co comité de expertos que asesora á Xunta en materia de prevención da COVID-19.
De feito, Galicia foi unha das únicas tres comunidades autónomas españolas que mantivo a súa oferta de actividades de verán e campamentos este ano, a segunda en número de prazas tras Cataluña, e fíxoo para proporcionar ás familias unha "ferramenta de conciliación", así como para que os nenos e mozos contasen con actividades de recreo tras os meses de confinamento.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.