A destrución do emprego afecta ás 7 cidades galegas, con Ferrol á cabeza
Todas as urbes galegas rexistran menos afiliados á Seguridade Social que hai un ano.
Por E.P. | SANTIAGO DE COMPOSTELA | 29/10/2020 | Actualizada ás 12:51
As sete cidades galegas perden afiliados á Seguridade Social en setembro respecto ao mesmo mes de 2019, segundo os datos que publica este xoves o Instituto Galego de Estatística (IGE).
A caída máis acusada prodúcese en Ferrol (-2,1%), que queda en 17.936 afiliados. Segue Santiago (-2%), con 37.186 traballadores de alta. A Coruña (-1,7% e 86.556); Lugo (-1,3% e 36.458); Ourense (-1,3% e 35.670); Pontevedra (-1% e 28.749) e Vigo (-0,4% e 106.485).
En setembro rexistráronse 1.005.106 afiliacións á Seguridade Social en Galicia, o que supón unha baixada do 1,6% respecto de hai un ano, aínda que é un 2% máis en comparación con xuño de 2020.
Se esa comparativa tamén se fai con xuño de 2020, a afiliación vai á alza no sete cidades galegas, con Santiago á cabeza (+1,9%).
