Existe pacto de silencio sobre o accidente de tren?

Renfe, Adif, Talgo e Bombardier evitan falar do sistema de freado ERTMS que tería evitado a traxedia.

Por Galicia Confidencial | Compostela | 05/09/2013 | Actualizada ás 10:17

Unha das principais dúbidas sobre o accidente de tren de Angrois é saber por que a liña sinistrada non estaba equipada co sistema ERTMS, que pode protexer aos

trens que saen da súa velocidade habitual durante varios quilómetros. Nin Renfe, nin Adif, nin Talgo, nin Bombardier, as catro institucións e empresas con responsabilidades na traxedia teñen evitado centrarse en responder a esta cuestión.

A propia ministra de Fomento, Ana Pastor, durante a súa comparecencia no Congreso a comezos de agosto, tampouco se referiu a este punto e centrou a súa intervención na responsabilidade do seu ministerio só á hora de solucionar as lagoas na regulamentación e nos sistemas de sinalización que permitiron a traxedia. E porque se evita falar do ERTMS?.

Un pacto

"Detrás da insistencia case histérica en que ERTMS non foi un factor no accidente hai unha intención clara de intoxicar instrumentada, entre outras vías, por un profundo pacto de silencio entre Adif, Renfe, Talgo e Bombardier á hora de explicar as causas polas que o tren, inaugurado en xuño de 2012, non levaba conectado o sistema que evitaría o accidente", apunta a web especializada altavelocidad.org.

Con todo, ningunha delas quere falar deste sistema de freado. Segundo portavoces de Adif, que permitiu que o 730 circulase sistematicamente e durante meses baixo o modo de seguridade degradado ASFA, o problema radicaba enteiramente no software do tren sinistrado. E, por iso, remiten a Renfe, empresa que utilizou durante máis de 12 meses trens que non estaban preparados para ese servizo comercial.

Pero Renfe, lonxe de explicar o problema, di que esa cuestión é do fabricante do tren, a española Talgo, que a súa vez remitie ao fabricante das locomotras e do sistema ERTMS embarcado, Bombardier. Empresa que, ao igual que os anteriores, di que o ERTMS non tería evitado o accidente.

Respostas "sorprendentes"

"A postura do catro empresas sorprende non só pola insistencia de todas elas en restar importancia ao fallo do sistema ERTMS ao mesmo tempo que evitan dar calquera detalle sobre ese fallo, presuntamente irrelevante", insisten en altavelocidad.org.

Pero para os expertor en alta velocidade ferroviaria o ERTMS tería evitado a traxedia. Este sistema púxose en servizo 13 meses antes do accidente (xuño de 2012), aínda que comezou as súas probas no verán de 2011. Sen embargo, o tren sinistrado non o levaba. Se estivera instalado poderían ocorrer dúas cousas ao chegar ao quilómetro 80,149, situado a catro quilómetros da curva; ou ben que o maquinista confirmase ao computador embarcado que quedaba sen sistema de supervisión e, por tanto, que se fixese plenamente consciente do punto da liña no que se atopaba (circulando a 200 km/h a só catro quilómetros da curva da Grandeira), eliminando así a súa desorientación espacial; ou que non o confirmase e, nese caso, o tren frearíase automaticamente moito antes de chegar á curva.

"Asombra tamén porque Renfe e Bombardier volven mostrarse esquizofrénicas á hora de explicar, por unha banda, que o sistema xa está listo para funcionar e negarse a confirmar ao mesmo tempo desde cando", conclúen desde esta web especializada.

En parte, este decisión de non falar do ERTMS tería que ver, segundo algunhas fontes consultadas, con evitar falar de problemas de seguridade dos trazados ou dos trens xa que en xogo hai suculentos contratos ferroviarios, tanto para Renfe como para Bombardier, especialmente, coas liñas de alta velocidade proxectadas en varios puntos de Brasil.

5 Coiro

Que lles sae de balde tratarnos coma cidadáns de terceira. Pero se a Xunta, con Feijoo e Hernandez á cabeza, deberían ser os primeiros que miraran polas infraestruturas e os servizos do país, e que fan? isto foi o que nos trouxeron, porque de España que podiamos agardar? un accidente do tren o día da patria, o máis grave en 40 anos. Que pasara algo que era impensable, un tren de alta velocidade sen máis sistemas de seguridade que...o maquinista? Renfe, Adif, fomento... é previsible que esquezan de nós, que nos traten coma sempre, coma cidadáns de terceira, agora non só os españois, tamén os cataláns fan o mesmo. Mais a Xunta, non tiña que mirar porque isto non pasara? Hernandez, o miserento falabarato ao servizo dos máis escuros intereses, o monicreque movido por Rueda e Feijoo, que seguen os ditados da corte, da FAes e da caverna mediática. Eles son os responsables.

4 FUN_EU

Toda ista histeria, máis o perigo de perder credibilidade se non acadan o contrato no Brasil, debérona previr antes, cando dende Cataluña, dende Galicia, dende a Comunidade Europea dixéronlles a estes teimudos do centralismo, que o prioritario no era a liña de Madrid senon o corredor do Cantábrico, ou que o prioritario nun principio era manter e ampliar (cun décimo do custo da obra do ave) o servizo con Porto e o norte de Portugal engadido ao interno de Galicia. Pero claro, iso sería , para eles, perder un pouco do estado "apañol" favorecendo o bo criterio, non se podía consentir: para iso estaba Pepiño...para poñer a Galicia por "diante" (20 anos despóis). E quen pense que as empresas non teñen obxectivos políticos que revise a historia das denuncias contra Siemens.

3 lois

Pois non estou dacordo con eso de que é a empresa privada quen governa "por detrás". Para nada. Se fosen as empresas quenes "gobernaran" non recibirían multas e impostos do estado. E ninguén ten dito que o trazado da liña Santiago - Ourense non fose seguro: está feito para mais de 250 por hora agás na entrada de Santiago e Ourense. Dacordo co ERTMS, pero eso de o trazado non é "seguro" non é certo para nada: gadtáronse miles de millóns de euros en facer un trazado con velocidade sostida de mais de 200 por hora. De "inseguro", nada. Limitacións nas entradas a santiago e Oursense, pero non "inseguridade"

1 anonimo

A ti quen te subvenciona, o governo? Se non é así, digo eu que serás técnico ou enxeñeiro, non? E que estarás cansado de circular con un tren por ese ou outros trazados de "alta velocidade". En fin...

2 Isabel

O "pacto" esse não pode ser unicamente entre empresas privadas. Quando houve tantas vidas em jogo o "pacto" esse também é do Governo com essas empresas. É assustador ver como se fala delas e cala-se por completo a responsabilidade política da questão. É que os governantes são Adif, Renfe, Talgo e Bombardier?

1 eusi

Aí acertaches, é a empresa privada quem governa por detrás.

1 Silenzos

Para pacto de silenzo, o do PP e PSOE. E mágoa que o BNG, pactando tanto co PSOE, non tivese a ben analizar e contrastar a realidade fraudulenta do AVE (avemaría !!!!) galego. E mágoa tamén que o Beiras pretenda absolver agora ao PSOE. Pero bueno, polo menos BNG e AGE (ou viceversa) puxéronse algo as pilas e denuncian o evidente.

1 eusi

Anova absolvendo ao PSOE? E de onde tiras ti essa conclussom? Oxalá um partido político tivesse essa capacidade que unicamente tem o sistema judiciário, embora essa ideia é descabelhada por ser maliciosa.