Cantos millóns recibiu La Voz de Feijóo?

45 millóns. Esa é a cifra que estima a CIG. 750.000 deles en dous convenios desde setembro.

Por Galicia Confidencial | Compostela | 19/12/2013 | Actualizada ás 11:34

CIG-Autonómica acaba de denunciar o diñeiro, en forma de subvencións e convenios, que a Xunta, a través da Secretaría Xeral de Medios, lle dá aos grandes medios de comunicación de Galicia. "Outorga máis de 1,5 millóns en aguinaldos para comprar o favor dos medios galegos", asegura este sindicado sobre a última axuda do Goberno de Feijóo.

Unha situación da que que se beneficia, principalmente, e segundo esta central sindical, La Voz de Galicia. Este grupo de comunicación leva máis dun terzo do total da partida orzamentaria da subvención do segundo semestre aos medios (583.974,81€). Tamén leva case un terzo do orzamentado para os convenios de colaboración subscritos pola Secretaría Xeral de Medios (149.392,80€). "En total, durante o tempo que leva Feijóo no Goberno estimamos que esta empresa leva recibido da Xunta máis de 45 millóns de euros entre diferentes conceptos (subvencións, convenios e contratos)", indica.

Problemas económicos

"Cabería preguntarse cal sería a situación desta empresa, que despediu a traballadores, se non tivera recibido tal cantidade de diñeiro. En calquera caso, recentemente se ten demostrado que o ollo da Xunta para rescatar empresas en problemas non é de todo clínico", ironiza nun comunicado remitido aos medios.

Por iso, este sindicato denuncia o "uso perverso" que se fai destes convenios e subvencións cos medios e a "inxerencia política" do Goberno da Xunta nos medios "utilizando os cartos da cidadanía galega que detrae da prestación dos servizos públicos". "Resulta moi difícil de explicar, por exemplo, por que non hai diñeiro para manter a gratuídade da prestación farmacéutica hospitalaria e obrigar a repagar á cidadanía pola quimioterapia pero si sigue habendo cartos para comprar editoriais e censurar notas de prensa", engade.

Compromiso de transparencia

Neste sentido, esixe un compromiso de "transparecia" sobre a publicidade institucional e un cambio na "publicidade institucional en negro" que supoñen as subvenciónse e os convenios de colaboración cos medios dos diferentes departamentos da Xunta.

O pasado setembro o DOG publicaba os convenios de colaboración da Secretaría Xeral de Medios con diferentes editoriais de xornais galegos. Hai quince días tamén esta mesma secretaría xeral publicaba as subvencións concedidas ás empresas xornalísticas e de radiodifusión. En total, máis de millón e medio de euros, en só duas resolucións dun mesmo departamento en menos de tres meses. Iso sen contar os convenios anuais que tamén as distintas consellerías asinan cos principais medios galegos.

Noticias relacionadas

3 De Hespaña nin bó vento...

Cedo empezan os trolls pepeiros e españolistas a traballar de cipaios, hai que poner mariscadas e rolex na mesa do Nadal. Doen as verdades, as diga a CIG ou Xan Ninguén. A CIG non recibe ninguna subvención do reino bubónico, en todo caso recupera cartos antes expoliados ao pobo galego. Non son da CIG nin do Bloque, son mais radical, non me convencen as suas políticas excesivamente mornos, pero non foron os da CIG, os que venderon a clase obreira ao franquismo nos pactos da Moncloa, os que teñen ex dirixentes en UPyD. os que pactan coa mafia empresarial e convidan ao capo ao seu congreso.

1 bem falado

a intoxicación de que todos son iguais é unha constante do espanholismo-birretepepeiro-vilinguismo-coz

2 Vence Tho

con respeito!!!! creocho ben cando dis que non eres da CIG; afirmar que a Central Sindical Nazonalista? non recibe subvencións do estado, de entes públicos (CES, Ministerio de Traballo..... é o único sindicado amáis UXT e CCOO no reparto de axudas á Prevención de Riscos Laborais -si na mesma mesa que a patronal- sin os vascos, nin USO, CGT, etc a máis das subvencións, esa central pura que pensas e defendes, invirte en Preferentes e ate en Bonos del Estado ahhh si, é certo, na Web da CIG non publican iso e certo

2 XDDX

E por enriba unhas zipaias as da CIGue recibindo 300.000 euros do estado opresor español ! Ai ai aiiiii moi mal eh.

1 Vence

Mmmmm e a CIG canto leva chupado en subvencións...? por saber...

1 Afiliado de base da CIG

Coido que a finalidade das subvencións da igrexa, dos medios de comunicación, dos partidos políticos, das festas gastronómicas, dos clubes de fútbol, das organizacións empresariais e dos sindicatos son todas ben diferentes; unhas máis clientelares, outras menos, unhas con máis utilidade pública, outras con menos e unhas máis beneficiosas para a clase traballadora e outras menos. Con todas as cousas mellorables e estando de acordo na renuncia a calquera subvención pública (mesmo eses 300.000€ dos que fala XDDX), coido que as accións da CIG van máis aló que os seus gastos correntes e basta mirar de vez en cando os medios (os que publican algo) ou as rúas