Ollo... Estas son as estafa nos sitios web falsos do Black Friday
Prestar atención ao realizar calquera compra é fundamental para evitar este tipo de estafas en páxinas webs falsas.
Por Galicia Confidencial | Santiago de Compostela | 25/11/2021 | Actualizada ás 21:30
O Black Friday e o Cyber Monday supón o pistoletazo de saída á tempada de compras de Nadal. De feito, o 30% de todas as vendas minoristas prodúcense entre o Black Friday e o día de Nadal. E desde a popularización do Cyber Monday, tanto as tendas físicas como as dixitais xeran unha parte importante dos ingresos anuais nese fin de semana.
No periodo previo a estes días, os expertos en intelixencia de ameazas de Fortinet - FortiGuard Labs - observaron a proliferación de estafas relacionadas con páxinas web falsas que se parecen a páxinas lexítimas de comercio electrónico. "Parecen" porque para o ollo inexperto estos sitios son aparentemente seguros, polo que é recomendable prestar atención ao realizar calquera compra.
Os 'ecommerce fake' que Fortinet observou sempre presenta as mesmas características: todos os sitios están rexistrados no mesmo rexistrador, utilizan como dominios ".TOP" e ".SHOP", conteñen numerosos erros gramaticais e incoherencias, os botóns das redes sociais non levan a ningún sitio e utilizan redes de distribución de contidos para manter o anonimato.
CONSELLOS PARA BLACK FRIDAY
Para evitar este tipo de estafas hai que evitar non comprar impulsivamente un artigo se está moi barato, examinar a páxina web en busca de incoherencias e buscar erros gramaticais e tipográficos, segundo apunta FortiGuard. E, ante a dúbida, aconsella enviar un correo electrónico á empresa antes de realizar unha compra e, se se é vítima dunha estafa, chamar de inmediato á compañía da súa tarxeta de crédito.
Por outra banda, estamos nun momento de auxe de consumo para o Nadal e o Black Friday, xa que se crea unha necesidade de comprar, moitas veces de maneira innecesaria. Laura Opazo, experta en moda sostible, dá uns consellos de como comprar e de forma sostible este ano.
En primeiro lugar, comprar en tendas de segunda man tanto físicas coma online; non mercar de forma compulsiva, só mercar as cousas que lle demos utilidade; comprar produtos feitos en España; apostar polas prendas multiposición; e por último invertir máis nos produtos que vaian a ser máis sostibles no tempo.
