Recuperan a campá roubada na igrexa parroquial de San Pedro de Leixa, en Ferrol
O roubo motivara gran indignación por parte de moitos cidadáns.
Por Europa Press / Redacción | Compostela | 13/12/2021 | Actualizada ás 14:26
Axentes da Policía Nacional pertencentes á Comisaría de Ferrol-Narón lograron recuperar a campá da igrexa parroquial de San Pedro de Leixa, en Ferrol, que fora roubada a finais do pasado mes de novembro. O obxecto xa foi entregado ao sacerdote desta parroquia, Cándido Otero, que quixo agradecer o labor realizado polos axentes das Forzas e Corpos de Seguridade do Estado.
En concreto, trátase dunha peza de fundición dun tamaño reducido, en comparación coas doutras igrexas da Diocese de Mondoñedo-Ferrol, o que, precisamente, facilitou aos ladróns o poder levar este elemento.
A desaparición da campaña da igrexa de San Pedro de Leixa motivou unha gran indignación por parte de moitos cidadáns, tanto deste lugar como doutros de Ferrolterra.
