Por E.P. | SANTIAGO DE COMPOSTELA | 07/04/2022 | Actualizada ás 11:48
A Consellería de Medio Rural saca a poxa 23 lotes de madeira de 21.000 toneladas na provincia da Coruña, os cales están valorados nuns 427.000 euros. Segundo informa a Xunta nun comunicado, a poxa electrónica celébrarase o 25 de maio na xefatura territorial da Consellería na Coruña. Os licitadores realizarán todos os trámites de modo telemático. Tantos as empresas participantes na poxa como todo o que o desexe pode seguir o proceso a través dunha sala virtual creada para ese efecto. Case a totalidade da madeira pertence a comunidades veciñais con convenios ou consorcios de xestión forestal con Medio Rural.
En total, os lotes suman máis de 21.000 toneladas de madeira de piñeiro do país, piñeiro insigne e eucalipto branco, xunto con cantidades menores doutras especies. Isto tradúcese nunha absorción de dióxido de carbono de máis de 15.000 toneladas retiradas da atmosfera durante a vida destes exemplares, que agora serán substituídos por novos pés que continuarán coa absorción deste gas de efecto invernadoiro.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.