Por E.P. | SANTIAGO DE COMPOSTELA | 08/04/2022 | Actualizada ás 13:38
A Deputación de Pontevedra estima para esta semana Santa haberá unha ocupación media nos establecementos turísticos da provincia superior ao 60%, con porcentaxes dez puntos superiores nos días festivos, entre Xoves Santo e o Domingo de Pascua.
Segundo os datos achegados pola administración provincial en base ás reservas feitas ata este venres, á fronte das preferencias das persoas que visitan as Rías Baixas sitúanse as vivendas turísticas, cunha estimación de ocupación media en torno ao 80%, e os aloxamentos rurais, con preto do 70%. Estes cálculos están condicionados polas reservas de última hora e tamén pola climatoloxía.
A Deputación de Pontevedra calcula que con estas previsións as Rías Baixas recuperaría os niveis previos á pandemia e "consolidaría os seus datos como destino favorito en Galicia e un dos mellores do Estado". De modo que as expectativas de Turismo Rías Baixas son positivas "o que confirma que a calidade do destino Pontevedra Provincia prémiase por encima de factores conxunturais".
No sur da provincia, concretamente na comarca de Vigo e nos municipios de Baiona e Nigrán, espéranse porcentaxes que durante a semana superarán o 60% e nos días festivos rozarán o 90%. Noutras zonas como Sanxenxo as previsións apuntan xa a preto do 80% de ocupación nos establecementos hoteleiro de superior categoría durante os días festivos.
TURISMO RURAL
En canto aos aloxamentos de turismo rural, Turismo Rías Baixas estima unha ocupación media para toda a provincia de preto do 70%. Pola súa banda, no que respecta ás vivendas turísticas, a provincia alcanzará unha ocupación media superior ao 80% durante a Semana Santa. Ademais xa están a se facer reservas para o verán o que augura unha excelente tempada para as vivendas turísticas da provincia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.