Premio para 'The Waylanders', un videoxogo creado e ambientado en Galicia

Vén de gañar o Premio Iniciativa Empresarial da XIV Noite da Enxeñaría en Informática de Galicia.

Por E.P. | SANTIAGO DE COMPOSTELA | 24/05/2022 | Actualizada ás 19:16

Comparte esta noticia

O Colexio profesional de Enxeñaría en Informática de Galicia (CPEIG) outorga o Premio Iniciativa Empresarial da XIV Noite da Enxeñaría en Informática de Galicia ao videoxogo 'The Waylanders', creado pola compañía coruñesa Gato Salvaje Studio.

'The Waylanders' é un xogo de rol clásico inspirado en localizacións do norte do Estado, especialmente en Galicia, cun toque fantástico dos mitos celtas e o escurantismo dunha era medieval invadida por unha corrupción máxica. Ambientouse en distintos escenarios históricos como a torre de Hércules ou a Catedral de Santiago, ademais doutras contornas como Ézaro e Fisterra.

O proxecto desenvolveuse durante cinco anos. Aínda que inspirado nun xogo moi popular do inicio dos 2000, Dragon Age, 'The Waylanders' ten un estilo que destaca pola ambientación e a mitoloxía galegas, con toques de tema celta, de folclore, e apuntamentos medievais e de cristianismo moi arraigados en Galicia. Finalmente, saíu a venda en febreiro de 2022.

Frame do videoxogo 'The Waylanders'
Frame do videoxogo 'The Waylanders' | Fonte: eurogamer.es

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta