Autores de manga en español danse cita na 25 edición do Salón do Cómic da Coruña

Autores de manga en español danse cita na 25 edición do Salón do Cómic da Coruña que, como en anteriores edicións, volve reunir propostas para todos os públicos e a promover encontros con autores, con charlas programadas no Quiosco Alfonso.

"É o mellor festival", dixeron varios dos participantes nun encontro cos medios de comunicación no que estiveron os autores Borja González, Alicia Jaraba, Fernando de Felipe, Fidel de Tovar e Dani Bermúdez.

Fixérono cun repaso á súa obra e avanzando algunhas das súas novas propostas. Así o expuxo o autor de 'The Black Holes', Borja González, quen manifestou que o seu próximo libro será unha continuación "case directa de 'Grito nocturno'".

Pola súa banda, a viguesa Alicia Jaraba subliñou a oportunidade que supuxo para ela poder publicar en España e destacou, como outros autores, que o confinamento supuxo "un momento moi importante de creación".

Na rolda de prensa, participaron tamén o debuxante Dani Bermúdez e o guionista Fidel de Tovar, que colleitaton éxitos con mangas como 'Arashiyama, a montaña dos desexos'.