Os problemas en educación centran o inicio do curso político galego
Román Rodríguez comparecerá no primeiro pleno da Cámara galega. Tamén se abordará o plan estratéxico a 2030 e as medidas para facer fronte á crise.
- Convocan protestas e non descartan novas accións ante o inicio do curso escolar
- Guerra política no inicio do curso escolar en Galicia: entre o caos e o "ruído político"
Por Europa Press / Redacción | SANTIAGO DE COMPOSTELA | 06/09/2022 | Actualizada ás 13:04
A comparecencia do conselleiro de Educación, Román Rodríguez, sobre o inicio do curso escolar e a aprobación do plan estratéxico de Galicia 2022-2030 centrarán o primeiro pleno do Parlamento galego do novo período de sesións.
Nesta sesión plenaria, que se celebrará os días 13 e 14 de setembro, o BNG cuestionará ao presidente da Xunta, Alfonso Rueda, sobre medidas ante a inflación "desbocada", mentres que o PSdeG preguntará achega do comezo do curso escolar.
O Bloque reclamou unha comparecencia monográfica de Alfonso Rueda acerca da inflación e a crise económica, pero a maioría popular rexeitou esta petición.
Por outra banda, a xunta de portavoces, celebrada este martes, acordou suprimir os biombos que foron postas no hemiciclo como medida anticovid. No entanto, prorrógase durante un mes o voto delegado para os deputados contaxiados.
