Evacúan en helicóptero un motociclista accidentado en Agolada

Un motorista tivo que ser trasladado en helicóptero ao Hospital Clínico de Santiago de Compostela tras sufrir unha caída no municipio pontevedrés de Agolada.

Segundo trasladou o 112 Galicia, o suceso ocorreu sobre as 15,00 horas deste domingo. A esa hora, os servizos sanitarios daban aviso do accidente á central de emerxencias.

Así, os xestores do 112 Galicia puxeron os feitos en coñecemento da Garda Civil de Tráfico, do GES de Lalín e de Protección Civil de Agolada.

Helicóptero do 061 | Fonte: CEDIDA - EP.