Mantense a folga no sector siderometalúrxico de Ourense despois de non chegar a acordos cos empresarios

O tres sindicatos convocantes do parón do siderometal ourensán, CIG, UGT e Comisións Obreiras anuncian que a folga indefinida segue adiante, tras a reunión mantida coa parte empresarial responsable da negociación do convenio colectivo.

A Confederación de Empresarios de Ourense citara aos representantes na tarde deste martes na sede ourensá coa intención de "chegar a un acordo" que evitase a folga coa que ameazaba o sector a partir deste mércores, unha folga que finalmente continuará vixente porque afirman os sindicatos que "a oferta de modificación do convenio é aínda peor".

Así pois, a nova proposta presenta unha subida salarial do 5% para 2022 e do 4% en 2023 e 2024, e ademais pon a data para comezar a recibir os atrasos salariais o 1 de xullo, no canto do 1 de xaneiro como pedían os traballadores.

"NINGÚN ESFORZO"

"Entendemos que non se fixo ningún tipo de esforzo por parte da patronal, a proposta é peor, é inferior á que tiñamos o 27 de maio cando nola enviaron por correo electrónico", reclaman desde CIG-Industria, sinalando que "todo foi unha posta en escena para desmovilizar e crear unhas expectativas falsas".

Os sindicatos lamentan que nun contexto de folga indefinida esa sexa a proposta da patronal "porque a matemática non falla e demostra que non hai ningún tipo de interese en desbloquear isto".

Deste xeito o tres centrais sindicais manteñen o paro e os piquetes comezarán a partir desta mesma noite ás 22.00 horas. "Esperamos que a patronal nos tome un pouco máis en serio porque isto, desde o respecto máximo á súa postura, é unha tomadura de pelo", critica o secretario comarcal de CIG-Industria, Indalecio Gómez.

Así esperan unha "gran afluencia" nos piquetes porque "os traballadores van estar moito máis enfadados e con moita máis razón", porque a proposta "non garante nada, nin o IPC do ano pasado", remarcan os sindicatos insistindo en que "é aínda unha proposta peor".

INCREMENTOS

As centrais sindicais, que non secundaban un paro conxunto desde hai 22 anos, reclaman un incremento do 6,5% para os anos 2022-2023 e do 5% para 2024, cunha cláusula de revisión salarial; así como que os atrasos se reciban desde o 1 de xaneiro. Ademais solicitan un día máis de libranza sen consolidar para 2022 e un día maiores para cada un dos anos seguintes, estes consolidados.

Proceso de fundición - Europa Press.