Por Europa Press / Redacción | SANTIAGO DE COMPOSTELA | 06/10/2022 | Actualizada ás 13:46
Os sindicatos UGT e CCOO convocaron mobilizacións en distintas cidades galegas para reclamar "xustiza social" en demanda de subidas salariais que garantan o mantemento do poder de compra ante o incremento "desbocado" dos prezos.
Este xoves ao redor de 500 persoas --segundo os organizadores-- manifestáronse polas rúas da Coruña, desde o Obelisco ata a praza de Mina onde leron un manifesto. Na protesta participaron o secretario xeral de UGT, José Antonio Gómez, e a secretaria xeral CCOO Galicia, Amelia Pérez, quen coincidiron en denunciar que a clase traballadora "non pode seguir pagando os custos da crise".
En declaracións aos xornalistas, Gómez insistiu en que a inflación "supera o 10%" en Galicia e ante este problema "non queda máis remedio que subir os salarios ou haberá conflitos en todos os sectores". "Hai miles de familias en situación de vulnerabilidade e máis de 500.000 persoas en Galicia que aínda traballando teñen salarios de pobreza inferiores a mil euros", denunciou.
As protestas continúan este venres en Lugo, Ourense e Vigo, coincidindo coa celebración o 7 de outubro da Xornada Mundial do Traballo Decente. O día 3 de novembro está prevista unha mobilización en Madrid.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.