Iberdrola desenvolverá un proxecto para mecanizar os armarios relicarios dos Santos Bispos de Santo Estevo
Por E.P. | OURENSE | 11/10/2022 | Actualizada ás 20:08
Iberdrola, a través da súa fundación, subscribiu este martes un acordo co bispo de Ourense, Leonardo Lemos, segundo o cal investirá 50.000 euros para desenvolver un proxecto de mecanización de apertura dos armarios relicarios dos 'Santos Nove Bispos' da igrexa de Santo Estevo de Ribas de Sil.
No momento da restauración dos relicarios da igrexa, descubriuse un excepcional conxunto de pintura murais tardogóticas (século XV) ao realizar unhas catas no cal que recubría a parede. Este proxecto da Fundación Iberdrola España e da Diocese de Ourense propón a realización dun mecanismo móbil que permita volver colocar os relicarios no seu lugar orixinal, pero que estes poidan desprazarse para permitir a visión das pinturas que se atopan na parede.
O proxecto constará, entre outras accións, da instalación dun sistema de eixos articulados cunha estrutura metálica sobre a que se colocarán os relicarios e a realización de planos 3D e deseños cinemáticos para unha solución técnica óptima.
