Sés presenta o seu novo disco, 'Diante un Eco', unha advertencia sobre o "retorno aos totalitarismos"

A cantautora galega Sés presentou este venres o seu oitavo proxecto, o disco 'Diante un Eco', con 12 temas entre os que están 'Cantan as balas' e 'Para cando eu morra', que a levará de xira polos principais escenarios de Galicia, España e Latinoamérica.

O disco continua a liña da vocalista de Bergantiños, que xa avisaba hai unhas semanas sobre a temática do álbum. "É o eco dun pasado tráxico, do retorno aos totalitarismos, da laxa dunha profunda e crecente desigualdade social, dos retrocesos na igualdade de xénero", resume a artista.

Sés, que leva once anos de carreira nos que se consolidou como unha dss principais referentes da música galega, resume que os seus obxectivos son cantar a súa verdade e a partir dela construír un discurso que chame á lucidez e conduta crítica para construír unha sociedade e un futuro mellor para os nenos e nenas.

Na presentación do disco anunciou unha xira que parte de Galicia. A Coruña, Santiago, Lugo, Ourense, Vigo e Narón recibirán á cantautora nos días 10 e 17 de decembro, 14, 21 e 28 de xaneiro e 3 de febreiro, respectivamente. A continuación, seguirá o seu percorrido por distintas cidades de España e Latinoamérica, con citas previstas en Ponferrada e Madrid.