Detido o grapo Cela Seoane na Coruña por apoloxía do terrorismo
Foi arrestado canda outras dúas persoas por apostar pola loita armada nunhas xornadas anticapitalistas celebradas en Llodio hai un ano.
Por Galicia Confidencial | Madrid | 27/11/2014 | Actualizada ás 10:00
Un ano despois de participar na localidade vasca de Llodio nas II xornadas anticapitalistas organizadas pola Gazte Asamblada dese municipio, a Garda Civil detivo a tres persoas por apoloxía do terrorismo. E, entre os detidos está o o ex preso do Grapo Suso Cela Seoane.
Suso Cela é irmán de José Francisco e Carlos, outros dous destacados membros do Grapo. Tamén a súa nai, Josefa Seoane, foi imputada en maio polo xuíz da Audiencia Nacional Santiago Pedraz por un delito de enaltecemento de terrorismo.
O Instituto Armado impútalle un delito de apoloxía do terrorismo por instar á loita armada. Ademais de Cela Seoane foron detidos o avogado dos reclusos desta organización Juan Manuel Olarieta Alberdi, en Madride e Aitor Cuervo, na Rioxa.
No transcurso das dúas horas e media que durou a conferencia, titulada "Situación Movemento Obreiro e Presos Políticos", os detidos, que interviñeron como relatores, lanzaron diversas consignas a favor da loita armada e dos presos do PCE(r)-Grapo.
