Desakato, Heredeiros da Crus, Ana Tijoux e Rodrigo Cuevas súmanse ao Revenidas
Únense tamén bandas "históricas" como Rebeliom do Inframundo, The Skarnivals ou Dakidarría
Por Europa Press / Redacción | Vilagarcía | 09/03/2023 | Actualizada ás 17:00
O festival Revenidas, que se celebrará en Vilaxoán entre o xoves 7 e o domingo 10 de setembro, sumou ao seu cartel a Ana Tijoux, Desakato, Heredeiros da Crus, Rodrigo Cuevas, Los Chikos del Maíz e Lamatumbá.
Segundo explican nun comunicado, as novas incorporacións seguen a filosofía de "incluír destacadas figuras da escena musical galega, estatal e internacional, tendo moi en conta cuestiones como a paridade de xénero ou a presenza de linguas minorizadas".
Únense tamén outros artistas como Tropa do Carallo, o rapero K1ZA, O Rabelo ou Arrythmia e bandas "históricas" como Rebeliom do Inframundo, The Skarnivals ou Dakidarría.
Apuntan tamén que nalgúns serán "concertos moi especiais". No caso de Dakidarría, aproveitarán o festival de Vilaxoán para celebrar o seu 20 aniversario cun concerto especial con invitados. O de Lamatumbá suporá a volta aos escenarios da formación. E no caso de Heredeiros da Crus, será un dos primeiros concertos que realizarán tras o parón provocado pola enfermidade do seu vocalista Javi Maneiro.
