Un camión envorcado obriga a cortar un carril da A-52 na Valenzá

Por Europa Press / Redacción | OURENSE | 22/03/2023 | Actualizada ás 19:42

Comparte esta noticia



Un camión de transporte de madeira que envorcou obrigou na tarde deste mércores a cortar un carril de circulación na autovía A-52 ao seu paso polo municipio ourensán da Valenzá.

En concreto, o accidente tivo lugar á altura das obras de impermeabilización que se realizan no viaduto da Valenzá. Por mor das mesmas, os vehículos que transitan en sentido O Porriño fano polo carril esquerdo, que corresponde a Benavente.

No 'transfer' da mediana de regreso novamente ao carril correcto, informou a Garda Civil, un vehículo articulado que cargaba madeira envorcou, quedando a carga esparexida pola calzada e a beiravía.

Por iso, cortouse con conos o carril dereito e a circulación discorre polo esquerdo en tanto o vehículo e a carga continúan na vía, segundo informou a Garda Civil.

Camión envorcado na A-52 na Valenzá.. GARDA CIVIL
Camión envorcado na A-52 na Valenzá.. GARDA CIVIL | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta