A reforma das pensións beneficiará a 300.000 galegos, segundo CCOO

O 73% das pensións das mulleres galegas son inferiores ao SMI

Por Europa Press / Redacción | Galicia | 23/03/2023 | Actualizada ás 17:07

Comparte esta noticia

CCOO calculou que a reforma das pensións beneficiará, en Galicia, a 300.000 persoas, a maioría delas mulleres. O sindicato trasladouno así nunha rolda de prensa para analizar o impacto desta modificación recentemente acordada e que a próxima semana enfróntase ao trámite decisivo da súa validación no Congreso.

A secretaria xeral do Sindicato Nacional de CCOO, Amelia Pérez, destacou que esta reforma pecha un ciclo, ademais de "romper dogmas e contar cunha clara visión feminista e cunha perspectiva de xénero". "Pecha un ciclo que comezou no 2021, cun primeiro acordo que puña as vimbias para derrogar aquela reforma do PP de Mariano Rajoy", sinalou.

A PENSIÓN GALEGA

"En Galicia, debido aos gobernos do PP, somos o territorio pensionista por excelencia, pois contamos ao redor de 700.000 persoas pensionistas e temos as segundas pensións máis baixas do Estado", sinalou. De feito, a pensión galega "está no 85% da media do Estado".

Esta segunda fase da reforma traballa nos pensionistas futuros e ten unha afectación clara naqueles colectivos, fundamentalmente mulleres, que teñen as pensións máis baixas. Maica Bouza sinalou que a reforma de pensións recentemente asinada "vai beneficiar as pensións de 300.000 persoas en Galicia, das cales un 65 % son mulleres".

"Estamos a falar de máis de 200.000 persoas con pensións mínimas contributivas, por volta de 37.000 que teñen pensións non contributivas e unhas 34.000 que no mes de febreiro cobraban o complemento de fenda de xénero", explicou.

Segundo explicou Bouza, o 73% das pensións das mulleres galegas son inferiores ao SMI e un 25% están entre o salario mínimo e a pensión máxima. Por tanto, este é un acordo que ten en conta a brecha de xénero.

CC OO sobre o impacto das pensións en Galicia
CC OO sobre o impacto das pensións en Galicia | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta