Novo accidente dun quad no Saviñao

Por E.P. | SANTIAGO DE COMPOSTELA | 29/03/2023 | Actualizada ás 10:07

Comparte esta noticia

Sobre as 21,15 horas deste martes rexistrouse un accidente no Saviñao, na estrada que conduce de Santa Mariña a Quintairo. Así, resultou ferido o condutor dun quad, quedando inconsciente tras sufrir un golpe na cabeza ao caer na parroquia de Vilelos.

Por iso, deuse aviso aos Bombeiros de Chantada, á Garda Civil de Tráfico e á Agrupación de Voluntarios de Protección Civil do Saviñao, ademais da os servizos sanitarios, que comprobaron que a persoa estaba liberada e accesible e atendérona nunha ambulancia.

Pista forestal utilizada polos quads, motos e todoterreos
Pista forestal utilizada polos quads, motos e todoterreos | Fonte: Asociación Forestal de Galicia

ACCIDENTE CORISTANCO

Tamén unha muller resultou ferida na tarde deste martes tras saírse da vía cando viaxaba co seu vehículo polo quilómetro 3 da DP-2904 á altura da parroquia de Seavia da localidade coruñesa de Coristanco.

Os feitos ocorreron minutos despois das 20,30 horas e, segundo informou o 112 Galicia, foi un particular o que alertou dos mesmos, asegurando que unha persoa estaba ferida e necesitaba asistencia sanitaria urxente. O coche acabara no medio do asfalto.

A muller foi evacuada en ambulancia ao Hospital Quirón da Coruña. Pola súa banda, os membros de protección civil explicaron que, a raíz do sinistro, xeráronse retencións na zona.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta