Pontón denuncia en Ferrol "os graves problemas de vivenda" e aposta pola rehabilitación

A portavoz nacionalista visitou o barrio da Magdalena con varios dos integrantes da lista do BNG

Por E.P. | Ferrol | 05/05/2023 | Actualizada ás 17:45

Comparte esta noticia

A portavoz nacional do BNG, Ana Pontón, avogou por "apostar dunha maneira decidida por recuperar e rehabilitar" para dar solución aos "graves problemas" que padecen "moita xente" á hora de acceder a unha vivenda "nunhas condicións que non produzan asfixia".

A líder frontista atendeu aos medios de comunicación na alameda do Cantón de Molins de Ferrol tras realizar un breve paseo este venres polo barrio ferrolán da Magdalena en compañía dos integrantes da lista electoral do BNG das próximas eleccións municipais e co candidato á Alcaldía, Iván Rivas, á cabeza.

Pontón incidiu en que é preciso achegar solucións en materia de vivenda, xa que os prezos dos alugueres "non deixan de subir" e as persoas hipotecadas deben afrontar subidas continuas dos tipos de interese.

Fronte a isto, o BNG propón apostar pola rehabilitación de vivendas para "dar máis posibilidades de acceso a unha vivenda digna", especialmente aos máis novos, e, ademais, transformar as cidades para "recuperar" os espazos urbanos "para as persoas".

Ana Pontón pasea polo centro de Ferrol xunto ao candidato á Alcaldía da cidade naval, Iván Rivas. BNG
Ana Pontón pasea polo centro de Ferrol xunto ao candidato á Alcaldía da cidade naval, Iván Rivas. BNG | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta