Publicadas pola Xunta novas autorizacións para parques eólicos na provincia de Pontevedra
Trátase das autorizacións administrativas previas e autorización de construción, nun caso para as instalacións relativas ao proxecto do parque eólico Monte Peón, na Lama.
Por E.P. | SANTIAGO DE COMPOSTELA | 08/06/2023 | Actualizada ás 18:16
O Diario Oficial de Galicia (DOG) publica este xoves novas autorizacións para parques eólicos na provincia de Pontevedra, sumándose aos anunciados tamén esta semana nesta provincia e na da Coruña.
En concreto, este xoves publícase a resolución da Dirección Xeral de Planificación Enerxética e Recursos Naturais para senllos eólicos.
Trátase das autorizacións administrativas previas e autorización de construción, nun caso para as instalacións relativas ao proxecto do parque eólico Monte Peón, na Lama.
Trátase dun proxecto promovido por Naturgy Renovables, S.L.U., mentres que tamén se publica o solicitado por Aldesa Enerxías Renovables de Galicia en Mesada, en Vila de Cruces.
