Interceptado un camioneiro en Silleda que duplicaba a taxa de alcol permitida

A Garda Civil interceptou o pasado xoves, día 15 de xuño, a un camioneiro que duplicaba a taxa de alcol permitida mentres circulaba pola autoestrada AP-53 ao seu paso pola localidade pontevedresa de Sillada.

Tal como informou a Benemérita nun comunicado, foi unha patrulla que se atopaba realizando un control a que deu o alto ao vehículo de gran tonelaxe. O seu condutor, de nacionalidade búlgara e 56 anos de idade, deu unha taxa de alcol de 0,34 miligramos por litro en aire expirado, duplicando a cifra máxima permitida para profesionais, que é de 0,15 mg/l.

Este feito implica unha infracción "moi grave", que supón unha sanción de 1.000 euros, así como unha detracción de seis puntos do permiso de conducir. O vehículo foi inmobilizado no lugar ata que desapareceron as causas que motivaron dita acción.

Interceptado un camioneiro en Silleda que duplicaba a taxa de alcol permitida | Fonte: GARDA CIVIL - Europa Press