"Téñennos completamente enfadados"... Paros ante H&M de Narón para demandar melloras laborais e salariais
Por E.P. | SANTIAGO DE COMPOSTELA | 20/06/2023 | Actualizada ás 13:30
Traballadores do establecemento H&M no Centro Comercial Odeón de Narón concentrouse na mañá deste martes ante a entrada da tenda para demandar melloras laborais e salariais, no marco da convocatoria a nivel nacional dos sindicatos UGT e CCOO.
Unha da empregada, Ana Gede, detallou que os encargados teñen o soldo conxelado, algúns deles desde hai 10 anos: "A dirección contrata contigo un salario e despois páganche unha diferenza con salario base a través dun plus, pero ese plus é absorbible, entón cada vez que hai subida, como é este caso do IPC (...), o que fan é que nolo restan do plus".
Así, asegurou que "é unha inxustiza tremenda". "A nós téñennos completamente enfadados porque ao final temos un posto de responsabilidade e non cobramos por iso", proclamou.
En canto aos vendedores, destacou que "tampouco teñen unhas boas condicións, hai contratos de 12, de 16, de 20 e de 24 horas, que non lles dá para vivir". "Tentamos subir. Cando foi agora a negociación do convenio, unha das cousas que se querían tamén era unha xornada mínima, pero na provincia da Coruña, que noutras provincias si que se conseguiu, non se logrou", explicou Gede.
Este martes, a mobilización consiste nunha concentración de 11,00 a 13,00 horas pola mañá e volverana a facer de 20,30 a 22,30 horas pola a tarde, ademais ter convocadas folgas de 24 horas o xoves, 22 de xuño, e o vindeiro luns, día 26.
