Por E.P. | SANTIAGO DE COMPOSTELA | 25/07/2023 | Actualizada ás 17:14
O Consello de Administración da sociedade mercantil estatal Augas das Concas de España (Acuaes), do Ministerio para a Transición e o Reto Demográfico, aprobou os pregos e autorizou lalicitación do contrato de execución das obras da nova depuradora de Silvouta, en Santiago de Compostela, cun importe de 54 millóns de euros (IVE excluído).
O prazo de execución das obras fixouse en 27,5 meses, máis un mes inicial para a elaboración do plan integrado de xestión de obras. O obxectivo é, segundo un comunicado emitido polo ministerio, que a actuación "avance e sexa unha realidade no menor tempo posible e coa suficiente antelación á data límite establecida no Plan de Recuperación Transformación e Resiliencia".
O prego prevé, ademais, que o adxudicatario leve a cabo a explotación da actual EDAR durante un máximo de 19,5 meses dos 27,5 meses en que se estima a fase de execución das obras, así tamén como durante a fase de posta en marcha da planta para a cal se prevé unha duración inicial de 6 meses que, en función dos parámetros obtidos, podería chegar a prorrogarse por outros 6 meses adicionais.
Unha vez licitadas as obras, prevese adxudicar o contratoa finais do presente ano para iniciar os traballos a principios de 2024, de maneira que as obras estean finalizadas en abril de 2026.
A actuación, que será cofinanciada con Fondos Next Generation, consiste na construción dunha depuradora que dará servizo a unha poboación de 277.000 habitantes equivalentes, así como a conexión á rede de colectores existentes e a execución dunha nova acometida eléctrica compatible coas necesidades enerxéticas da nova instalación e dotada dunha subministración eléctrica de respaldo.
Estas obras foran adxudicadas en xuño de 2021 a unha UTE, pero unha vez redactado o proxecto construtivo, acordouse resolver o contrato pola imposibilidade de desenvolver o proxecto porel incremento de custos, consecuencia da subida de prezos delos materiais de construción, o sobrecusto dos condicionados da declaración de impacto ambiental e dos fondos Next Generation UE.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.