A CIG critica que a suba do 0,5% no salario dos docentes non cobre a perda de poder adquisitivo do 2,7% en dous anos
A CIG remarca que a súa proposta pasaba por unha subida do 5% anual en 2022, 2023 e 2024 coa incorporación dunha cláusula de revisión salarial.
Por E.P. | SANTIAGO DE COMPOSTELA | 29/11/2023 | Actualizada ás 19:05
A CIG expón que no mes de novembro os docentes ven un incremento do 0,5% nas súas nóminas. Con todo, denuncia que, cos datos do IPC dos dous últimos anos, esa subida non cobre unha perda do poder adquisitivo do 2,7%.
Nun comunicado, a CIG lamenta que o pacto entre CC.OO. e UGT co Goberno central para a administración pública non chegue "nin ao 4%" que se aplica como media en Galicia na empresa privada.
Así, reproba que "o pacto de perdas dos sindicatos estatais consolide que os salarios do profesorado suba por baixo da carestía da vida".
A CIG remarca que a súa proposta pasaba por unha subida do 5% anual en 2022, 2023 e 2024 coa incorporación dunha cláusula de revisión salarial.
